U vydaviectvie «Limaryus» vyjšaŭ zbor tvoraŭ Alesia Sałaŭja (1922—1978) — adnaho z najlepšych piśmieńnikaŭ emihracyi.

Hety pieršaja kniha piśmieńnika na radzimie. U 1982 h. u Ńju-Jorku Biełaruskim instytutam navuki i mastatcva byŭ vydadzieny tom «Niatusknaja krasa».

Vioska Krysava na Kojdanaŭščynie — Minsk — Ilja — Ryha — Bierlin — Praha – Zalcburh. I urešcie – najkraśvietnaja Aŭstralija. Taki byŭ žyćciovy šlach paeta.

Aproč vieršaŭ, u knihu ŭvajšło listavańnie z M. Siadniovym, Ju. Vićbičam, A. Hrycukom, V. Tumašam, A. Adamovičam, Ł. Hienijuš. Źmieščanyja taksama ŭspaminy jaho sučaśnikaŭ — ukrainca Ihara Kačuroŭskaha, Volhi Hrycuk, Jana Piatroŭskaha, Alaksandra Kałodki, Uładzimira Bryleŭskaha, Mikoły Hańka.

Ukłaŭ knihu, napisaŭ pradmovu i kamientary Michaś Skobła.

Sałaviej, Aleś. Tvory: Paezija, proza, listy / Aleś Sałaviej; układ., pradm. i kamient. M. Skobły. — Minsk, Limaryus, 2010. — 560 s.: ił.

Pradavacca kniha budzie ŭ asnoŭnych minskich kniharniach dy interńniet-kramach.

Tomam Sałaŭja ŭ vydaviectvie «Limaryus» raspačynajecca sieryja «Hałasy Ajčyny», u jakoj miarkujecca vydavać tvory vybitnych biełaruskich piśmieńnikaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?