Pra toje, što reŭnaść duža psuje žyćcio, viedajuć usie, chto choć raz jaje adčuvaŭ. Abhruntavanyja vašy padazreńni ci nie, vyśviatlajecca ŭžo paśla taho, jak vy patełjefanavali svajmu partnioru razoŭ 15, naładzili histeryku, papłakali, vyrašyli, što kachańnie skončyłasia, i śmiarotna pakryŭdzilisia.
Navukoŭcy śćviardžajuć: reŭnaść — heta reakcyja śviadomaści na atrymanuju pahrozu, realnuju ci ŭjaŭnuju, u adras kaštoŭnych dla nas adnosin. Što prymušaje nas raŭnavać? Čaho my baimsia?
Tradycyjna ličycca, što ŭ mužčyn najbolšy strach vyklikaje fizičnaja zdrada, a ŭ žančyny — «emacyjnaja», «duchoŭnaja». Evalucyjnaja psichałohija tłumačyć heta tym, što, vychoŭvajučy dzicia ad inšaha samca, mužčyna tym samym nie zmoža pieradać naščadkam svaje hieny. Žančyna ž, u svaju čarhu, prosta baicca zastacca biez karmiciela.
Dziela spakoju kachanych psichołahi raspracavali niekalki technik baraćby z reŭnaściu, jakija lohka možna vykarystać u chatnich umovach.
Technika №1: Miedytacyja
1. Napišycie śpis usiaho, što prymušaje vas raŭnavać, i raźmiarkujcie situacyi, uličvajučy, jakija ź ich zakranajuć vas bolš, a jakija — mienš.
2. Lažcie na kanapu, uklučycie miedytatyŭnuju muzyku i pa čarzie rassłablajcie ŭsie častki vašaha cieła, pačynajučy ź piatak.
3. U stanie rassłableńnia ŭjaŭlajcie situacyi z vašaha śpisu — pačnicie źnizu ŭvierch.
Jak tolki vy navučyciesia zastavacca rassłablenym, pradstaŭlajučy samuju «biaskryŭdnuju» situacyju, pierachodźcie da nastupnaha punktu i h.d.
Technika №2: Prypadabnienńnie
Sutnaść praktykavańnia ŭ tym, kab raŭniviec vieŭ siabie tak, byccam jon nie viedaje, što takoje reŭnaść. Miarkujecca, što raz užo čałaviek moža kantralavać svaje pavodziny, vieści siabie jak nieraŭnivaja asoba, to nieŭzabavie jon zmoža siabie hetak i adčuvać.
Technika №3: Karovin zvanočak
Vy viedajecie, dla čaho na karovu viešajuć zvanočak? Pravilna, dla taho, kab jana daloka nie syšła i nie zastałasia biez nahladu. Dla hetaha praktykavańnia vam spatrebicca partnior, jakoha vy raŭnujecie, i telefon. Partnior musić nazvańvać vam kožnuju hadzinu. Vy pry hetym pavinny kožny raz paviedamlać jamu, dzie znachodziciesia zaraz i dzie budziecie praz hadzinu (kab jon viedaŭ, kudy telefanavać: damoŭ, na pracu abo na sotavy).
Vykarystoŭvajučy dadzienuju techniku, vy, pa‑pieršaje, adčujecie siabie ŭ skury vašaha vybrańnika (vy ž, napeŭna, i nie padazravali, nakolki razdražniaje taki kantrol!). A pa‑druhoje, vas u vyniku pačnuć napružvać jaho zvanki, i zamiest pakutaŭ reŭnaści maŭklivy telefon budzie vyklikać radaść i spakoj.
