Seks u vašaj aptečcy.
Jak vyśvietlili navukoŭcy, luboščy — nie tolki vydatnaja padstava dla ŭźniaćcia nastroju, ale i dziejsny srodak dla kštałtavańnia fihury dy zdaroŭja. Ekśpierty vyłučajuć jak najmienš 5 situacyj, u jakich seks — vaš najlepšy vybar.
1. Seks — suprać infarktu i raku
Śpiecyjalistami Karaleŭskaha univiersiteta ŭ Biełfaście było praviedziena daśledavańnie, padčas jakoha jany prasačyli zaležnaść ahulnaha stanu zdaroŭja ad rehularnaści pałavych kantaktaŭ. Pry hetym vučonyja praanalizavali dadzienyja ab śmiarotnaści siarod pryblizna 1000 mužčyn siaredniaha ŭzrostu za dziesiacihadovy pieryjad. Vyśvietliłasia, što siarod mužčyn, jakija mieli bolej za ŭsio arhazmaŭ, pakazčyki śmiarotnaści byli napałovu nižej, čym u tych, chto ŭvohule nie zajmaŭsia seksam.
Sprava ŭ tym, što padčas arhazmu vypracoŭvajecca aksitacyn, pad upłyvam jakoha kolkaść sardečnych skaračeńniaŭ pavialičvajecca ŭdvaja, a kryviany cisk značna pavyšajecca. Heta vydatnaja treniroŭka dla sardečnaj myšcy! Jašče dva harmony — DHEA (dehidraepijandrasteron) i testasteron — taksama źnižajuć ryzyku raźvićcia sardečnych zachvorvańniaŭ. U mužčyn, jakija zajmajucca seksam try razy na tydzień abo čaściej, vierahodnaść infarktu dy insultu źnižajecca ŭdvaja. Da taho ž, dehidraepijandrasteron i aksitacyn abaraniajuć ad raka hrudziej žančyn, a rehularnyja ejakulacyi — ad raka prastaty mužčyn.
2. Seks — dziejsnyja leki ad prastudy
Amierykanskija navukoŭcy vyśvietlili, što seks praduchilaje prastudnyja zachvorvańni. U ludziej, jakija zajmajucca seksam adzin‑dva razy na tydzień, u kryvi bolej antyciełaŭ imunahłabulina hrupy A. Jany abaraniajuć ad nasmarku i inšych infiekcyj, ź ich dapamohaj chutčej zažyvajuć rany.
Aproč taho, luboščy vypracoŭvajuć tryvałaść da hrypu, aktyvizujučy imunnuju sistemu. Darečy, naš imunitet najbolš aktyŭna pracuje nočču. Tamu miedyki nastojliva rekamiendujuć seks mienavita ŭ hety čas: tady harmony zdolejuć dasiahnuć kožnaha kutočka arhanizma i pryniasuć najbolšuju karyść.
3. Seks — najlepšy srodak ad depresii
Kali vas zamučyli pastajannyja depresii, žyćcio vam abrydła… zajmiciesia seksam! «Harmony ščaścia», jakija vypracoŭvajucca padčas luboščaŭ — vydatnyja leki ad chandry.
Zaniatki kachańniem vyklikajuć u arhaniźmie mahutny i šmatstajny bijachimičny praces, jaki nie ŭ stanie dać ni adzin narkotyk. U šerah harmonaŭ, što vyłučajucca padčas seksu, uvachodzić kartyzon. Jon stymuluje abmien rečyvaŭ i zabiaśpiečvaje ŭźniknieńnie pačućcia ščaścia, jakoje apanoŭvaje čałavieka.
4. Seks — na złość biassońniu
Ni dla kaho nie sakret, što paśla zaniatkaŭ kachańniem ludzi značna chutčej zasynajuć. Jakaść snu taksama palapšajecca, jon robicca bolš hłybokim i praciahłym. Tak što, kali vy pakutujecie na biassońnie, pasprabujcie kožny raz pierad snom zajmacca kachańniem. Takim čynam, vaš arhanizm atrymaje ŭmoŭny refleks: spačatku seks, zatym — son.
5. Seks — efiektyŭny trenažor
Navošta vam pastajannyja treniroŭki ŭ sportzale, kali jość varyjant lepiej i cikaviej? Doračy adno adnamu zadavalnieńnie, partniory zdolnyja stracić ad 200 da 600 kałoryj. Usio zaležyć ad taho, što i jak vy budziecie vyrablać padčas svaich luboščaŭ. U vyniku, adzin połavy akt pa kolkaści vydatkavanych kałoryj moža paraŭnacca z 40 chvilinami jazdy na rovary.
Dla słaboha połu rehularny seks — jašče i vydatny srodak treniroŭki muskułatury taza, bo, zajmajučysia kachańniem, žančyny, pierš za ŭsio, mocna napružvajuć mienavita hetuju častku cieła. Da taho ž, miedyki dakazali, što žančyna, jakaja rehularna zajmajecca seksam, vyhladaje maładziejšaj ad svajho ŭzrostu prykładna na 5‑10 hadoŭ!
