Rasijskaja tenisistka Maryja Šarapava, jakaja naviedvała Homielskuju vobłaść 30 červienia — 1 lipienia ŭ jakaści pasła dobraj voli PRAAN, praviała pres‑kanfierencyju u pałacy Rumiancavych i Paskievičaŭ.

 Maryja Šarapava na Homielščynie.

Maryja Šarapava na Homielščynie.

Mnohija pytańni žurnalistaŭ tyčylisia asabistych adčuvańniaŭ tenisistki ad pryjezdu ŭ Homiel, dzie raniej žyli jaje baćki.

«Ja vielmi rada, što pryjechała, hety horad zajmaje asablivaje miesca ŭ maim sercy.

Kali maja mama była ciažarnaja, jana žyła tut, zatym pakinuła Homiel z‑za čarnobylskaj katastrofy.

Apošnim razam ja pryjazdžała siudy 10 hadoŭ tamu, i mnie vielmi pryjemna iści pa hetych vulicach i paznavać miescy, dzie ja była, tamu adčuvaju siabie tut cudoŭna, — skazała Šarapava. — My jeździli ŭ kvateru, dzie žyli maje baćki, tam ja paznajomiłasia z susiedziami. Rada, što pryjechała ciapier, a nie raniej, bo tolki dva hady tamu pačali realizacyju prajektaŭ, ź jakimi my pracujem, i zaraz ja zmahła na svaje vočy heta ŭsio ŭbačyć».

Žurnalisty pacikavilisia, da jakoj nacyjanalnaści pryličvaje siabie tenisistka. »Ja naradziłasia ŭ Rasii i žyła tam siem hadoŭ, praviała svajo dziacinstva, ale viedaju, što maje baćki tut žyli. I kali ja siudy pryjazdžaju, to adčuvaju siabie častkaj Homiela. Ale pa nacyjanalnaści ja ruskaja», — adkazała spartsmienka.

Maryja skazała, što sustrełasia sa svajoj babulaj, jakuju nie bačyła dva hady: «Sustreča ź joju była vielmi dobraja, u nas była siamiejnaja viačera. Babula pieraniesła apieracyju paru tydniaŭ tamu, zaraz jana adčuvaje siabie lepš».

Tenisistka adznačyła, što dla jaje było vielmi važna ŭsio ŭbačyć samoj, parazmaŭlać ź dziećmi, daviedacca, jakaja im patrebna dapamoha.

Šarapava padkreśliła, što ŭ jaje vielmi mała času na adpačynak i znosiny ź siabrami. «Ale sport — heta majo žyćcio, maja karjera. Užo praz dva dni ŭ mianie znoŭ pačnucca treniroŭki», — skazała jana.

Žurnalisty spytali, ci bačyłasia viadomaja tenisistka z karalevaj Vialikabrytanii, jakaja ŭpieršyniu za 33 hady naviedała Uimbłdon. «Kali b u mianie byŭ vybar — vyjhrać matč na Uimbłdonie abo paznajomicca z karalevaj, to ja b vybrała vyjhrać matč, dla mianie heta važniejšaje. Uimbłdon dla mianie lubimy turnir. A karaleva hladzieła tolki mužčynski matč», — paviedamiła Šarapava.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?