Zvarot padpisali fiłosafy Aleś Ancipienka i Valancin Akudovič, architektarka Irena Łaŭroŭskaja, mastactvaznaŭcy Siarhiej Chareŭski i Maksim Žbankoŭ.

 Barysahlebskaja carkva ŭ Navahradku. Pomnik, historyka-kulturnaja kaštoŭnaść 1-j katehoryi. Fota Źmitra Michnieviča.

Barysahlebskaja carkva ŭ Navahradku. Pomnik, historyka-kulturnaja kaštoŭnaść 1-j katehoryi. Fota Źmitra Michnieviča.

 Cybuliny ŭžo vyrablenyja. Fota Źmitra Rahačova.

Cybuliny ŭžo vyrablenyja. Fota Źmitra Rahačova.

U srodki masavaj infarmacyi,
U Biełaruski Ekzarchat Rasiejskaj Pravasłaŭnaj Carkvy,
Usim sumlennym biełaruskim pravasłaŭnym viernikam,
U Ministerstva kultury Respubliki Biełaruś

Tavarystva achovy pomnikaŭ paviedamiła pra rekanstrukcyju Barysahlebskaj carkvy CHII-ChVII st. u Navahradku, što maje status historyka-kulturnaj kaštoŭnaści suśvietnaha značeńnia. Rekanstrukcyju ažyćciaŭlaje miascovy pravasłaŭny prychod Rasiejskaj Pravasłaŭnaj Carkvy (RPC) Biełaruskaha ekzarchatu. Na staražytny hatyčny chram «rekanstruktary» majuć namier ustalavać kupały-cybuliny, jakija faktyčna razburajuć pomnik.

Heta nia pieršy vypadak vandalizmu i barabarstva, što pad vyhladam rekanstrukcyi kultavych zbudavańniaŭ demanstruje RPC u Biełarusi. Hetak, na budynku daminikanskaha kaścioła, pomnika epochi Baroka XVII st. u Klecku, što pieradadzieny ciapier pad carkvu, samavolna byŭ pastaŭleny kupał-cybulina z kryžam vyšyniu 6 metraŭ; niepapraŭna paškodžany ŭ vyniku niesankcyjanavanych ramontnych rabotaŭ, a časam i naŭmysna nieadpaviednych pierabudovaŭ, unikalnyja draŭlanyja cerkvy ŭ vioskach Hoščava Ivacevickaha, Machro Ivanaŭskaha, Porplišča Dokšyckaha rajonaŭ dy ŭ mnohich inšych miescach krainy.

Niaviečacca nia tolki kolišnija katalickija ci ŭnijackija chramy, a ŭžo j samyja pravasłaŭnyja, pierarablajucca na rasiejski kapył.

Carkoŭnymi ŭładami byŭ razburany Mały haściny dvor XVIII stahodździa ŭ Miensku, pł. Svabody, 19–21 i mnohija inšyja pomniki historyi i kultury Biełarusi. Hetkaja praktyka stałasia ŭžo normaju.

Ličym svaim maralnym abaviazkam apelavać da hramadzianskaj i kulturnickaj supolnaści krainy z metaŭ vykazać rašučy pratest suprać antykulturnaj, antybiełaruskaj dziejnaści RPC. Źviartajem taksama ŭvahu na toje, što razbureńnie aŭtachtonnaj kultury i biełaruskich histaryčnych pomnikaŭ — adna z prajavaŭ typovaj kalanijalnaj palityki, što rasiejskija ŭłady ažyćciaŭlali ciaham niekalkich minułych stahodździaŭ u akupavanaj i dałučanaj da imperyi Biełarusi. Ciapier hetuju palityku praciahvaje RPC. My patrabujem spynić razbureńnie našaj spadčyny!

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?