Viežy ŭnikalnaj hatyčnaj carkvy ŭ Navahrudku chočuć pierarabić u rasijskim styli.

Barysahlebskaja carkva ŭ Navahradku. Pomnik, historyka-kulturnaja kaštoŭnaść 1-j katehoryi. Fota Źmitra Michnieviča.

Barysahlebskaja carkva ŭ Navahradku. Pomnik, historyka-kulturnaja kaštoŭnaść 1-j katehoryi. Fota Źmitra Michnieviča.

Cybuliny ŭžo vyrablenyja. Fota Źmitra Rahačova.

Cybuliny ŭžo vyrablenyja. Fota Źmitra Rahačova.

Kiraŭnik Tavarystva achovy pomnikaŭ Anton Astapovič źviarnuŭsia da navahrudskich uładaŭ z patrabavańniem spynić rekanstrukcyju Barysahlebskaj carkvy — pomnika pryrody suśvietnaha značeńnia. U vyniku pracaŭ arhaničnyja dla hotyki šatrovyja zaviaršeńni viežaŭ płanujecca zamianić na pazałočanyja cybulepadobnyja kupały. Heta skažaje aŭtentyčny voblik pomnika architektury, piša A.Astapovič.

Spasyłajučysia na Ihara Čarniaŭskaha, staršyniu ŭpraŭleńni Ministerstva kultury pa achovie historyka-kulturnaj spadčyny, Astapovič kaža, što rekanstrukcyja heta samavolnaja, nie ŭzhodnienaja ź Ministerstvam kultury.
Nivodnaje prajektnaje rašeńnie jašče nie było zaćvierdžanaje Minkultam, a miascovy prychod pazałaciŭ užo «cybuliny» i rychtujecca ich ussadzić.
Nastajaciel carkvy ajciec Mikałaj Orsa abviarhaje słovy Astapoviča. Pavodle jaho słovaŭ, prajekt Ministerstva kultury zaćvierdziła.

Navahrudski baciuška rabiŭ sproby nadać carkvie rasijska-pravasłaŭny vyhlad i raniej.

Pavodle jaho mierkavańnia, takim čynam jon adnaŭlaje histaryčny vyhlad, jaki chram mieŭ ad časoŭ skasavańnia unii da 1991 hoda. Pra toje, što dazvoł jość, kažuć i ŭ rajvykankamie.

«Cybuliny» na zvanicy biełaruskich chramaŭ pačali stavić na zahad Muraŭjova-viešalnika ŭ XIX stahodździ, kab zamacavać u łandšafcie zavajavanaha kraju «rasijskaść».

Carkva Sv. Barysa i Hleba

zbudavanaja ŭ 1517–19 na miescy staražytnaha chrama CHII st. Fundatar — hietman VKŁ kniaź Kanstancin Astrožski. Pomnik architektury ŭjaŭlaje saboj simbijoz hatyčnaha i reniesansnaha stylaŭ z rysami abarončaha dojlidstva. U 1839 carkva robicca pravasłaŭnaj. U 1873–75 chram pierabudavali ŭ psieŭdaruskim styli, paśla jamu viarnuli raniejšy vyhlad. Paśla Druhoj suśvietnaj vajny carkva nie funkcyjanavała, słužby adnavilisia ŭ 1990-ja.

* * *

Intelektuały: Nie dapuścicie varvarstva z carkvoj u Navahrudku!

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?