U piatnicu skončyŭsia hrupavy turnir na čempijanacie śviecie ŭ PAR i, jak vynik, vyznačylisia ŭsie ŭdzielniki 1/8 finału. Apošnimi pucioŭki ŭ plej-of zavajavali zbornyja Ispanii i Čyli, što sustrakalisia ŭ vočnym pajadynku.

Ispanija vyjhrała 2:1.

Čempijony Jeŭropy pieršymi adkryli lik – na 24-j chvilinie paśla fatalnaj pamyłki hałkipiera čylijcaŭ Brava miač u varoty litaralna zakinuŭ David Vilja.

Praz 13 chvilin Andres Injesta lik padvoiŭ. U pačatku druhoha tajma čylijcy lik skaracili – vyznačyŭsia Viljar. Z toj pryčyny, što ŭ matčy Šviejcaryi i Handurasa hałoŭ nie było, taki vynik byŭ na ruku kamandam na hetym poli ŭ Pretoryi, što i dahulali matč.

Šviejcaryja – Handuras – 0:0.

Vynikovaje stanovišča:

Ispanija – 6 (2, 0, 1, 4—2), Čyli – 6 (2, 0, 1, 3—2), Šviejcaryja – 4 (1, 1, 1, 1—1), Handuras – 1 (0, 1, 2, 0—3).

Zbornyja Handurasa i Ałžyra stali adzinymi kamandami na turniry, što naohuł nie zabili miačoŭ.

U 1/8 finału Ispanija sustreniecca z Partuhalijaj, a Čyli – z Brazilijaj.

***

Siońnia taksama (de-jure) vyznačylisia ŭdzielniki plej-of z hrupy «G»:

imi stali zbornyja Brazilii i Partuhalii, što zhulali miž saboj uničyju 0:0.
Zbornaja Kot dJIvuara pieramahła KNDR – 3:0.

Brazilija – 7 (2, 1, 0 5—2), Partuhalija – 5 (1, 2, 0, 7—0), Kot dJIvuar – 4 (1, 1, 1, 4—3), KNDR – 0 (0, 0, 3, 1—12).

Takim čynam — usie pary ŭdzielnikaŭ 1/8 finału:

1. Uruhvaj — Kareja (subota, 26 červienia, 17:00)
2. ZŠA — Hana (subota, 21:30)

3. Anhlija — Niamieččyna (niadziela, 27 červienia, 17:00)
4. Arhiencina — Mieksika (niadziela, 21:30)

5. Hałandyja — Słavakija (paniadziełak, 28 červienia, 17:00).
6. Brazilija – Čyli (paniadziełak, 28 červienia, 21:30).

7. Parahvaj — Japonija (aŭtorak, 29 červienia, 17:00)
8. Ispanija – Partuhalija (aŭtorak, 29 červienia, 21:30).

U čverćfinałach 2 i 3 lipienia zhulajuć miž saboj pieramožcy 1 i 2 matču, 3 i 4 matču, 5 i 6 matču, 7 i 8 matču.

***

Zaznačym taksama, što z 16 kamandaŭ plej-of 6 pradstalajuć Jeŭropu (Anhlija, Niamieččyna, Hałandyja, Ispanija, Partuhalija, Słavakija),

5 – Paŭdniovuju Amieryku (Brazilija, Arhiencina, Uruhvaj, Parahvaj, Čyli), pa 2 – Aziju (Japonija, Kareja) i zonu KONKAKAF (ZŠA, Mieksika), 1 – Afryku (Hana).

Usie zbornyja Paŭdnievaj Amieryki na hetym čempijanacie prabilisia ŭ 1/8 finału,

a ź Jeŭropy – mieniej za 50%. Nie vyjšli ŭ plej-of Francyja, Italija, Šviejcaryja, Słavienija, Hrecyja, Danija, Sierbija.

Dyj u 1/8 finału zhulajuć try pary kamandaŭ ź Jeŭropy, nivodnaja ź ich nie trapiła na krainu ź inšaha kantynienta.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?