Dla achovy pravaparadku na mierapryjemstvach z nahody Dnia Niezaležnaści pa ŭsioj krainie budzie zadziejničana kala 14 tysiač supracoŭnikaŭ milicyi.

Pra heta na pres‑kanfierencyi 25 červienia paviedamiŭ pieršy namieśnik načalnika hałoŭnaha ŭpraŭleńnia achovy pravaparadku i prafiłaktyki MUS Alaksandr Barsukoŭ.

U Minsku zabiaśpiečvać pravaparadak buduć prykładna 4 tysiačy milicyjanieraŭ, bolšaść ź jakich buduć u cyvilnaj vopratcy. Jany buduć pracavać na samich mierapryjemstvach, na punktach propusku i za źniešnim pierymietram aharodžy, zabiaśpiečvać kantrol za padziejami.

U pryvatnaści, jak adznačyŭ Alaksandr Barsukoŭ, sioleta trapić praz KPP za turnikiet na jakim‑niebudź mierapryjemstvie, vypiŭšy na padychodzie da jaho ałkahol, naŭrad ci atrymajecca. Supracoŭniki orhanaŭ unutranych spraŭ buduć adsočvać situacyju. Akramia taho, usie mierapryjemstvy płanujecca fiksavać na videa.

Nieści słužbu va ŭzmocnienym režymie supracoŭniki milicyi buduć z 8.00 2 lipienia pa 22.00 4 lipienia. Na čas śviatkavańnia ŭ MUS stvarajecca situacyjna‑apieratyŭny štab. Takija ž struktury źjaviacca na ŭzroŭni abłaściej i rajonaŭ. Idzie praca pa farmiravańni reziervaŭ na vypadak niespadziavanych akaličnaściaŭ.

Pakolki dopusk na mierapryjemstvy budzie ažyćciaŭlacca praź mietaładetektary,

Alaksandr Barsukoŭ paprasiŭ hledačoŭ prychodzić zahadzia, nie prynosić z saboj kaluča‑režučyja pradmiety, bujnahabarytnyja sumki.

Jon nahadaŭ, što ŭ 2009 hodzie ŭ śviatočnych mierapryjemstvach z nahody Dnia Niezaležnaści ŭdzielničała kala 2,5 miljona čałaviek, u Minsku — kala miljona. Tradycyjna samym masavym vidoviščam staŭ fiejervierk kala steły «Minsk — horad‑hieroj», dzie sabrałasia amal 500 tysiač hledačoŭ. Pavodle słoŭ Barsukova, kab ubačyć fiejervierk, nie abaviazkova pryjazdžać da steły.

Anałahičnyja fiejervierki buduć arhanizavany ŭ šaści kropkach horada.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?