U suviazi z roznahałośsiami pamiž Rasijaj i Biełaruśsiu pa apłacie pastavak i tranzitu hazu Jeŭrakamisija sklikaje ekstrannuju sustreču z ekśpiertami. Pra heta paviedamiła žurnalistam u Brusieli 22 červienia Marlin Chołcnier, pres‑sakratar jeŭrakamisara pa pytańniach enierhietyki Hiuntera Etynhiera.

«My praviadziem pieršuju techničnuju sustreču ź biełaruskim bokam»,

— cytuje Chołcnier RIA Novosti.

Jana taksama paviedamiła, što ŭłady Biełarusi prainfarmavali Jeŭrakamisiju pra najaŭnyja prablemy 22 červienia praz «miechanizm rańniaha apaviaščeńnia». Pavodle słoŭ Chołcnier,

u vyniku hazavaj sprečki moža być zakranuta 6,25% abjomu spažyvańnia hazu ŭ ES.

21 červienia Chołcnier zajaviła: «Jeŭrasajuz spadziajecca, što sprečka pamiž Biełaruśsiu i Rasijaj nie paŭpłyvaje na tranzit rasijskaha hazu ŭ Jeŭropu i ŭsie kantraktnyja abaviazacielstvy buduć vykananyja». Jana adznačała, što skaračeńnie pastavak rasijskaha hazu ŭ Biełaruś «nie abaviazkova» paŭpłyvaje na tranzit, pakolki Biełaruś «nie abaviazkova spynić pastaŭku hazu», a akramia taho, cieraz krainu ŭ ES idzie «nievialikaja kolkaść» hetaha paliva.

Siońnia na sustrečy ŭ Minsku z kiraŭnikom MZS Rasii Siarhiejem Łaŭrovym Alaksandr Łukašenka zajaviŭ, što rasparadziŭsia pierakryć tranzit rasijskaha hazu cieraź Biełaruś u suviazi z zapazyčanaściu Maskvy za tranzit.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?