Jak paviedamiŭ BiełaPAN kiraŭnik pres‑słužby prezidenta Pavieł Lohki, pra heta było zajaŭlena 22 červienia na sustrečy kiraŭnika dziaržavy ź ministram zamiežnych spraŭ RF Siarhiejem Łaŭrovym.

Łukašenka taksama zajaviŭ, što ŭ najbližejšy čas Biełaruś moža pieraličyć hrošy Hazpromu ŭ košt doŭhu za pastaŭleny haz.

Pry hetym jon prapanavaŭ «Hazpromu» zrabić uzajemaraźlik daŭhoŭ. «Nie my pavinny siońnia «Hazpromu», a «Hazprom» vinien Biełarusi 70 miljonaŭ dalaraŭ, kali pravieści zalik. Heta absalutna dakładna i jany heta pryznali», — cytuje prezidenta dziaržaŭnaje ahienctva BIEŁTA.

Pavodle Łukašenki, zajavy kiraŭnictva Rasiei źnievažajuć biełaruski narod.

«Chaču publična vas prainfarmavać pra toj kanflikt, jaki pierarastaje ŭ hazavuju vajnu pamiž «Hazpromam» i Biełaruśsiu. Kažuć, što heta sprečka haspadarčych subjektaŭ, ale ja nie razumieju, jak tady taki sprečka moža pieraraści na ŭzrovień vyšejšaha palityčnaha kiraŭnictva krainy. Heta ŭžo nie sprečka haspadarčych subjektaŭ.

Vybačajcie, ale kali nas pačynajuć źnievažać ci to katletami, ci to kaŭbasoj, masłam i blinami, — my heta ŭsprymajem jak abrazu biełaruskaha naroda. Tak nie naležyć vieści siabie prezidentu, u tym liku susiedniaj sajuznaj dziaržavy».

***

Nahadajem, 21 červienia na sustrečy z prezidentam RF Dźmitryjem Miadźviedzievym kiraŭnik «Hazproma» Alaksiej Miler paviedamiŭ, što «Biełaruś pryznaje doŭh za haz, ale prapanoŭvaje apłatu zrabić mašynami, abstalavańniem i roznymi inšymi tavarami».

Na heta Miadźviedzieŭ zaŭvažyŭ: u adpaviednaści z rasijskim zakanadaŭstvam zamiežnyja płaciažy mohuć prymacca tolki ŭ zamiežnaj valucie — inakš heta supiarečyć zakonu. «Hazprom» ničym nie moža prymać apłatu za doŭh: ni piraha, ni masłam, ni syram, ni inšymi srodkami płaciažoŭ», — padkreśliŭ prezident Rasii.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?