rian.ru

rian.ru

«Hazprom» u aŭtorak davioŭ abmiežavańni ŭ pastaŭkach hazu Biełarusi za daŭhi da 30% ad płanu, paviedamiŭ kiraŭnik hazavaha chołdynhu Alaksiej Miler.

«Za minułyja sutki Biełaruś nie zrabiła nijakich dziejańniaŭ dla pahašeńnia zapazyčanaści za pastaŭki rasijskaha hazu, i z 10 hadzinaŭ ranicy pavodle maskoŭskaha času (9:00 pavodle Minska) 22 červienia ŭvodzicca abmiežavańnie na płanavyja abjomy pastavak u Respubliku Biełaruś na 30%», — skazaŭ Miler na naradzie apieratyŭnaha štaba pa situacyi z pastaŭkami hazu ŭ Biełaruś.

U minuły paniadziełak prezident Dźmitryj Miadźviedzieŭ addaŭ rasparadžeńnie kiraŭnictva «Hazproma» skaracić padaču hazu ŭ Biełaruś.

Jak paviedamlałasia raniej, paśla hetyja abmiežavańni płanujecca davieści da ŭzroŭniu, adpaviednaha zapazyčanaści, to bok, da 85%.

gazeta.ru

***

Biełaruś pakul nie pahasiła zapazyčanaść za haz, i «Hazprom» u 9.00 paniadziełka prystupiŭ da abmiežavańnia pastavak, limit abmiežavańnia spačatku składzie 15% ad sutačnaj normy, zatym pastupova budzie pavialičany da 85%.

«My raźličvajem, što na praciahu dvuch tydniaŭ my znojdziem mahčymaść, pazyčym, ale raźličymsia za haz», — skazaŭ Siamaška.

«My nie chavajem, u nas składana z valutaj, kab uvajści ŭ režym realnaha času i apłacić haz. My pavinny pazyčyć», — dadaŭ jon.

Pry hetym pieršy vice‑premjer adznačyŭ nieabchodnaść apłaty Rasijaj tranzitu hazu. «Dalej my ŭvojdziem u režym: jany (Rasija) raźličacca za tranzit, my — za haz», — skazaŭ Siamaška.

«Vypracavany pratakoł, ź jakim my nie možam całkam pahadzicca, ale jon nas zadavalniaje ŭ tym vyhladzie, jak jon jość. Važna, što rasiejski bok pryznaje, što musić Biełarusi 217 000 000 dalaraŭ za tranzit hazu.

Kali nam zapłaciać 217 000 000, my hatovyja zapłacić 187 młn».

Pry hetym Siamaška adznačyŭ, što pytańnie nie źjaŭlajecca pryncypovym — chto zapłacić pieršym: Rasija Biełarusi ci Biełaruś Rasii.

«My našym partnioram daviarajem, i kali my damovimsia, što my Rasiei zapłacim ranicaj, Rasija nam za tranzit viečaram, to ŭ hetym niama ničoha strašnaha», — skazaŭ Siamaška

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?