Zaležnaść ad seksu pa internecie — novaja hramadskaja źjava, jakaja źjaviłasia ŭ vyniku raźvićcia sučasnych technałohijaŭ (pryblizna ŭ apošnija 20 hadoŭ). Internet pryvioŭ da novaj seksualnaj revalucyi, jakaja ŭzmacniła ŭžyvańnie seksualnych materyjałaŭ u režymie onłajn. Hetuju zaležnaść možna razhladać i jak častku seks-zaležnaści, i jak internet-zaležnaść. Hałoŭny simptom hetaj patałohii — zaležnaść ad internetu i masturbacyi, kali prynady doŭhaterminovych adnosinaŭ blaknuć pierad mahčymaściu źviedać imhniennaje zadavalnieńnie mienavita ź virtualnym razdražnialnikam.
Pavodle padlikaŭ, u ZŠA ad 8 da 10 adsotkaŭ tych, što karystajucca siecivam, vypracavali zaležnaść ad internetu/Cyberspace addiction, i ŭ bolšaści ź ich — zaležnaść ad virtualnaha seksu/Cybersex addiction.
Čałaviek, spałučyŭšy połavuju stymulacyju z mocaj virtualnaj miedyi, traplaje ŭ začaravanaje koła eratyčnaha razdražnieńnia vialikaj mocy, što robić jaho pavodziny kampulsiŭnymi i nie dazvalaje čałavieku jak śled funkcyjanavać u hramadstvie.
Možna vyłučyć 5 pryčyn, jakija pieratvarajuć karystańnie siecivam u zaležnaść.
Dastupnaść.Ciapier porna možna dastać adnym naciskam kłavišy. Vialiki vybar parnahrafičnych materyjałaŭ razmaitaj tematyki, chutki pierachod da ŭsialakich vidaŭ seksu i suspoleńniaŭ.
Izalavanaść.Połavyja pavodziny ŭ siecivie naradžajuć śviet fantazijaŭ, jaki adłučaje čałavieka ad rečaisnaści. Ciapier u jaho niama bojazi: jaho ž vielmi ciažka vykryć i źnikaje niebiaśpieka zarazicca połavymi chvarobami.
Karystalniku hety zaniatak niebiespadstaŭna padajecca całkam biaśpiečnym, tym, jaki adłučaje jaho ad turbotaŭ navakolla.
Ananimnaść.Možna vandravać pa siecivie pad vymyślenym imiem, nie bajučysia, što tvaju asobu spraŭdziać.
Možna prydbać šmat parnahrafičnaha materyjału za adnosna nievialiki košt abo zadarma.Tannaść.
Fantazija.Virtualny seks dazvalaje karystalniku ŭvajści ŭ śviet seksualnych fantazijaŭ i vykarystoŭvać inšych ludziej u jakaści seksualnych abjektaŭ, biez bojazi być adrynutym, abražanym, biez ryzyki i adkaznaści.
Seks pa internecie možna padzialić na 3 hałoŭnyja katehoryi:
— karystańnie porna onłajn — prahlad, spampoŭvańnie zdymkaŭ i karcinak, klipaŭ, kinastužak, hulniaŭ i eratyčnych tekstaŭ razam z abmienam materyjałami ź inšymi.
— kantaktavańnie ŭ žyvym efiry ź virtualnymi partniorami — uvachod u čaty, pierasyłka ŭłasnych zdymkaŭ i videa, elektronnaje listavańnie.
— multymiedyja. Prahramy i materyjały, jakija pradajucca i raspaŭsiudžvajucca dla kamputarnaha karystańnia.
Dosyć časta ŭvachod na seks-staronki razhladajecca jak srodak źniać stres, prahnać nudu, pazabavicca, zadavolić cikaŭnaść u volnuju časinu. Ale ź ciaham času častka internet-karystalnikaŭ vypracoŭvaje zaležnaść da seksu pa kamputary, i karcinka robicca centralnaj u ich połavaj aktyŭnaści. Zaležnaść ad seksu pa internecie možna nazirać siarod padletkaŭ, jakija znachodziacca ŭ zonie ryzyki.
