Kupalskaje vohnišča na bierazie Anhary, śviatočny krupnik u lasach Ńju-Jorkščyny, kupalskaje after-paci ŭ Minsku.

Kupalle ŭ Rakavie. fota Julii Daraškievič

Kupalle ŭ Rakavie. fota Julii Daraškievič

Kupalle — śviata najvyšejšaha roskvitu pryrodnych sił, značny pierachodny momant pryrodnaha kruhabiehu. U hetu noč, jak vierać, vychodziać navierch zakapanyja ŭ ziamli skarby; drevy pierachodziać ź miesca na miesca i viaduć mižsobku hutarku.

Kupalle — badaj samaje papularnaje tradycyjnaje śviata. Jaho śviatkavańni nie spynialisia ani pad čas siaredniaviečnaha pieraśledu, ani padčas savieckaha ateizmu.

Kupalle — śviata karahodnaje. Moładź skoča praz vohnišča. Kali chłopiec maje paru, to pieraskokvaje ahoń razam sa svajoj dziaŭčynaj. Kali ŭ čas skakańnia praz ahoń u zakachanaj pary ruki nie razyducca - dobraja prykmieta: ich viasielle budzie jašče ŭ hetym hodzie. A jašče ŭ hetuju noč varta znajści paparać-kvietku: kab być zdarovym, ščaślivym i mieć hrošaj kolki zachočaš.

Kupalle jak usialakaje siaredniestatystyčnaje biełaruskaje śviata śviatkujuć dvojčy: u noč z 23 na 24 červienia i z 6 na 7 lipienia. Pieršaja data, peŭna, słušniejšaja, bo śviata pryviazana da letniaha soncastajańnia, a heta adnaznačna ŭ červieni.

Uvohule, u sučasnym śviecie paniatak «makaŭku leta» biełarusy razumiejuć vielmi pryblizna i tamu ichnija śviatkavańni Kupalla raściahvajucca až na tydni. Miarkujcie sami:

18-20 červienia. Park «Ŭord Paund Rydž Rezervejšn» kala Ńju-Jorka
. Amierykanskaje Kupalle ŭ formie piknika la sažałki. Kupalski viečar pačniecca z pryznačeńnia Kniazia-Kupališa i Kupalinki, jakija raspalać vohnišča, a potym niačyściki vykraduć Kupalinku. Za hetym možna budzie nazirać i častavacca krupnikam. Košt: $25 darosłym, $10 dzieciam mienšym za 12 hod.
Noč z 19 na 20 červienia. La Muzieja draŭlanaha dojlidstva na bierazie Anhary (Rasija, Sibir).
Irkuckaha Tavarystva Biełaruskaj Kultury akramia zvykłych staražytnych abradaŭ sioleta vyrašyła pačać śviata ź ihry na «biełorusskoj vołynkie» dudzie. Akramia hetaha: pačostka, konkursy, mastackija numary.
22 červienia. Minsk, Siadzibie TBM (vuł. Rumiancava, 23).
Tvorčaja sustreča z admysłoŭkaj pa narodnych śviatach Alenaj Anisim na temu «Kupalle ŭ mientalnaści biełarusaŭ». Kab śviatkavać śviata treba pra jaho choć što viedać. Pačatak a 18-j hadzinie. Uvachod volny.
U noč z 23 na 24 červienia. Rečka Ipuć la Dobruša (Homielščyna).
Zrazumieła ŭ hetuju noč možna budzie adśviatkavać choć dzie, navat na ŭskrainach šmat jakich biełaruskich haradoŭ, ale my prapanujem vam arhanizavanuju mahčymaść. HMKHA «Tałaka» zaprašaje ŭsich žadajučych paŭdzielničać u staražytnym jazyčnickim śviacie ŭ honar sonca Kupalli. Čas adjezdu z Homiela: 12.10 i 16.10 (zbor la ŭvachoda ŭ pryharadny čyhunačny vakzał). Arhanizatary prosiać apranuć nacyjanalnyja stroi abo prynamsi niešta biełaje, zachapić ježu dla śviatočnaha stała, 3 tysiačnuju składku na dudara, a taksama pazityŭny pazityŭny nastroj. Dla ŭdziełu ŭ repietycyjach homielskaha Kupalla telefanujcie 3416604 (Velcom) Łarysa.
26 červienia. Muziej narodnaj architektury i pobytu pad Minskam.
U našych lubych Stročycach — abchod chat, spalvańnie staryzny i narodnyja śpievy siarod aŭtentyčnych biełaruskich chat. Zaprošany hurty «Asałoda», i žartaŭlivy hurt «Ciošča». Pačatak blizu 15, ale možna pryjechać i raniej, bo muziej adčyniajecca a 10 ranku.
26 červienia. Biełaruski relihijna-kulturny centr u Łondanie (39, Holden Road)
. U prahramie — narodnyja śpievy i tancy. Pažadana pa mahčymaści apranać biełaruskaje nacyjanalnaje adzieńnie. Pierad śviatkavańniem adbudziecca nievialikaja tałaka pa dobraŭładkavańni dvara Biełaruskaha centra. Pačatak a 17.
U noč z 26 na 27 červienia za 80 kiłamietraŭ na poŭnač ad Manreala, na malaŭničym uźbiarežžy raki taksama adbudziecca śviatkavańnie Kupalla.
Na śviacie buduć abaviazkovyja karahody dy skoki praz vohnišča, pad tradycyjnyja kupalskija śpievy. Krupnik dy tancy z hulniami pad biełaruskuju dudu nie daduć udzielnikam zamierznuć ci sumavać.
U noč z 10 na 11 lipienia biełarusy Taronta źbirajucca na Kupalle ŭ tradycyjnym miescy — na terytoryi centru adpačynku «Słucak», što znachodzicca za 250 km na poŭnač ad Taronta.
Niahledziačy na toje, što z techničnych pryčynaŭ śviatkavańnie sioleta adbyvajecca vielmi pozna, na Kupalli ŭ kanadyjskim «Słucku» budzie ŭsio, čamu naležyć być na hetym śviacie: pieśni, karahody, skoki praz vohnišča i pad harmonik; «ciomnyja siły» buduć namahacca skraści Kupalinku, ale Kniaź-Kupališ z družynaju abaviazkova vyratuje jaje; pad ranicu pa voziery Manitoŭvabinh papłyvuć kupalskija vianočki z zapalenymi śviečkami. Kupalle — ulubionaje i samaje masavaje śviata tarontaŭskich biełarusaŭ, štohod na jaho źjaždžajecca bolš za sto čałaviek.
29 červienia. Kłub «Reaktar» (Charužaj, 29), Minsk.
Kupalskaje after-paci. Va ŭmovach maksimalna nabližanyja da staražytnych, u staličnym kłubie, adbudziecca štohadovy fest «Kupalskaje koła» z udziełam hurtoŭ: PAŁAC, Testamentum Terrae, Unia, Rokaš, Huda, Lićviny, Andrej Plasanaŭ (hurt P.L.A.N.) i inš. Pačatak a 18.00. Kvitki: 20 000 papiarednie (plus kampakt-kružełka ŭ padarunak), 25 000 miesca za stolikam, u dzień kancertu 25 000—30 000.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?