Aficyjny kiraŭnik dziaržavy adreahavaŭ na hazavy ŭltymatum Rasii. Adnačasova siońnia vice-premjer Kabiakoŭ zajaviŭ u Sankt-Pieciarburzie, što Biełaruś zastajecca ŭ Mytnom sajuzie i hatovaja abmiarkoŭvać sprečnyja pytańni.

Adnosiny dziaržaŭ i narodaŭ vymiarajucca nie kubamietrami hazu abo tonami nafty. Pra heta zajaviŭ siońnia Alaksandr Łukašenka, dzielačysia svaimi ŭražańniami paśla pieradpremjernaha prahladu biełaruska‑rasijskaha mastackaha filma «Bresckaja krepaść» u minskim kinateatry «Centralny».

Kiraŭnik biełaruskaj dziaržavy, źviartajučysia da staršyni teleradyjokampanii sajuznaj dziaržavy Ihara Uholnikava, paprasiŭ jak maha chutčej pieradać hety film kiraŭnictvu Rasii. «Dla ich jon vielmi aktualny», — zaŭvažyŭ Alaksandr Łukašenka.

«Treba pamiatać pra adno: što adnosiny pamiž dziaržavami, narodami vymiarajecca nie kubamietrami hazu i tonami nafty, pošlinami abo ich adsutnaściu. Treba pamiatać, što my razam abaraniali», — padkreśliŭ kiraŭnik dziaržavy.

Pavodle jaho słovaŭ, hety film naviejaŭ na jaho cełuju buru uražańniaŭ «na złobu dnia».

Jon adznačyŭ, što padčas pieramovaŭ u Maskvie z boku rasijskaha kiraŭnictva časta hučyć słova «prahmatyzm». «Treba pierafarmatavać našy adnosiny i zrabić ich prahmatyčnymi», — skazaŭ Alaksandr Łukašenka, cytujučy kiraŭnictva Rasii, adznačyŭšy, što zaraz u Maskvie heta vielmi modnaja fraza.

«Chacieŭ by, kab jany pahladzieli voś heta (film «Bresckaja krepaść»). My tady byli ŭ adnych akopach, a pa toj bok byli jany», — skazaŭ kiraŭnik biełaruskaj dziaržavy.

Pry hetym jon padkreśliŭ, što zusim nie zaklikaje da jakoha‑niebudź dypłamatyčnaha ci ekanamičnaha revanšu.

Łukašenka adznačyŭ, što i nadalej hatovy brać udzieł u stvareńni takich filmaŭ.

Adnačasova siońnia vice-premjer Kabiakoŭ zajaviŭ u Sankt-Pieciarburzie, što Biełaruś zastajecca ŭ Mytnom sajuzie i hatovaja abmiarkoŭvać sprečnyja pytańni z Rasijaj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?