17 červienia Partyja BNF nakiravała ŭ Viarchoŭny sud Biełarusi skarhu na admovu Centrvybarkama ŭ rehistracyi inicyjatyŭnaj hrupy pa praviadzieńni refierendumu suprać pavyšeńnia uvaznych mytnych pošlin na aŭtamabili.

Ź inicyjatyvaj praviadzieńnia takoha refierendumu Partyja BNF vystupiła ŭ śniežni 2009 hoda. Pradstaŭniki partyi prapanavali vynieści na ŭsienarodnaje hałasavańnie pytańnie: «Ci padtrymlivajecie vy zachavańnie pamieru mytnych pošlin na ŭvoz u Respubliku Biełaruś lehkavych aŭtamabilaŭ zamiežnaj vytvorčaści na ŭzroŭni 26 listapada 2009 hoda?»

20 maja CVK admoviŭ u rehistracyi inicyjatyŭnaj hrupy na toj padstavie, što prapanavanaje dla vyniasieńnia na refierendum pytańnie «nie maje dakładnaha i jasnaha charaktaru, a adkazy na jaho mohuć być vytłumačany pa‑roznamu».

Niahledziačy na admovu ŭ rehistracyi inicyjatyŭnaj hrupy, a taksama słabuju nadzieju na zadavalnieńnie skarhi ŭ Viarchoŭnym sudzie,

inicyjatary refierendumu ličać svaje dziejańni paśpiachovymi
.

«Vidavočna, što z 1 lipienia pošliny na ŭvoz aŭtamabilaŭ dla fizičnych asob nie ŭzrastuć, — zajaviŭ lider Partyi BNF Alaksiej Janukievič 17 červienia na pres‑kanfierencyi ŭ Minsku.

— Heta adna z redkich kampanij, što pravodzicca partyjaj, jakaja pryviała da kankretnaha vyniku».

Pavodle mierkavańnia namieśnika partyi Ihara Lalkova, inicyjatyva Partyi BNF stała «katalizataram vypracoŭki aktyŭnaj pazicyi nasielnictva ŭ dačynieńni da pavyšeńnia mytnych pošlin».

Pry hetym jon adznačyŭ, što meta kampanii — admiena pavyšeńnia mytnych pošlin — dasiahnuta nie całkam, bo rašeńnie ab pavyšeńni pošlin dla jurydyčnych asob nie admieniena.

U suviazi z hetym Partyja BNF maje namier praciahvać kampaniju pa admienie mytnych pošlin na ŭvoz aŭtamabilaŭ. U pryvatnaści, adpaviednaje pałažeńnie ŭtrymlivajecca ŭ pieradvybarnaj płatformie kandydata ŭ prezidenty ad partyi na budučych vybarach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?