17 červienia byŭ napisany 25-tysiačny artykuł u biełaruskaj vikipiedyi kłasičnym pravapisam.

Biełarusy majuć dźvie viersii internet-encykłapiedyi Vikipiedyja: adnu akademičnym, a druhuju — kłasičnym pravapisam.

Za hod viki na taraškievicy pavialičyłasia roŭna na 5000 novych artykułaŭ. 17 červienia 2009 źjaviŭsia 20-tysiačny artykuł. Roŭna praz hod — 25-tysiačny.

Pa kolkaści artykułaŭ jana zajmaje 67-je miesca siarod inšych movaŭ (letaś jana była 65-ju).

Vikipiedyja školnym pravapisam 16 traŭnia pierakročyła 20 000-ju miažu i na siońnia maje 20 427 artykułaŭ i 73-je miesca. (Statystyku encykłapiedyj na roznych movach u viki možna zirnuć tut.) I tuju, i druhuju Vikipiedyi tvorać entuzijasty.

Ad pačatku zasnavańnia 12 žniŭnia 2004 artykuły ŭ suśvietnaj encykłapiedyi pisalisia razam abodvuma pravapisami. Ale ad 2007 usie artykuły kłasičnym pravapisam byli adździelenyja ŭ asobny prajekt ź inicyjatyvy entuzijastaŭ stvareńnia Vikipiedyi akademičnym pravapisam.

Vikipiedyja narkamaŭkaj vyrvałasia była napierad pa kolkaści artykułaŭ, ale zapał jaje stvaralnikaŭ niedzie praz hod zhas, i z vosieni 2008 vikipiedyja kłasičnym pravapisam pierahnała jaje.

Wikipedia.org — heta volnaja encykłapiedyja. Uziać udzieł u jaje stvareńni možna kožny achvotny, prytrymlivajučysia peŭnych praviłaŭ i aŭtarskaha prava.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?