13 rabočych takarnaha ŭčastku № 3 Barańskaha zavoda «Los» spynili pracu z‑za taho, što administracyja pradpryjemstva nie vykonvaje abiacańnia padvysić zarobki.

Pavodle staršyni miascovaj supołki Svabodnaha prafsajuzu metalistaŭ Vasila Leŭčankava, pratest rabočych vyklikała toje, što nie apraŭdalisia ich spadziavańni na vyšejšyja rascenki svaje pracy. Kiraŭnictva «Losu» paabiacała, što z traŭnia da žniŭnia pracaŭniki buduć atrymlivać bolej, bo pastupiła zamova na vialikuju partyju zakatačnych mašynak, jakija vyrablaje takarny ŭčastak № 3. I ŭ traŭni zarobki nasamreč byli bolšyja. Ale dniami rabočyja daviedalisia, što za červień padvyšeńnia zarobkaŭ nia budzie.

Vasil Leŭčankaŭ tłumačyć, što dva dni takarny ŭčastak № 3 praktyčna nie pracavaŭ: ludzi vychodzili na pracu, ale nie rabili. Administracyja pryhraziła, što ŭ takim vypadku pieradaść zamovu inšamu vykanaŭcu — AAA «Orša». Tamu rabočyja , chutčej za ŭsio, pracu ŭsio ž raspačnuć, kaža staršynia niezaležnaj prafsajuznaj supołki.

«Losaŭskaja» supołka Svabodnaha prafsajuzu metalistaŭ štodnia pravodzić pieramovy z administracyjaj pradpryjemstva, patrabujučy tłumačeńniaŭ, na jakich padstavach byŭ admienieny zahad pra padvyšeńnie rascenak. Urešcie kiraŭnictva «Losu» paabiacała dać rabočym piśmovy adkaz, čamu jany dva tydni pracavali, nia viedajučy, što ichnaja praca kaštuje nižej, čymści im raniej abiacali.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?