«Ja b nie nazvaŭ heta kanfliktam, jaki razharajecca. Havorka idzie pra ŭrehulavańnie kantraktnych adnosin u ramkach dziejnaści dvuch haspadarčych subjektaŭ», — zajaviŭ Savinych.

Vykazvańnie pres‑sakratara MZS stała pieršaj aficyjna ahučanaj reakcyjaj Minska na situacyju z apłataj rasijskaha hazu.

Nahadajem, napiaredadni kiraŭnictva «Hazproma» papiaredziła Biełaruś ab mahčymym abmiežavańni pastavak hazu z 21 červienia ŭ vypadku niavypłaty doŭhu. Pavodle danych rasijskaj kampanii, zapazyčanaść pa raźlikach za haz u 2010 hodzie składaje prykładna 200 młn. dalaraŭ.

Jak zajaviŭ 16 červienia ŭ Maskvie aficyjny pradstaŭnik rasijskaha hazavaha chołdynhu Siarhiej Kupryjanaŭ, sioleta AAT «Biełtranshaz» sistematyčna parušaje ŭmovy kantrakta ad 31 śniežnia 2006 hoda.

«U dziejnym kantrakcie niama nijakich spasyłak na tempy i dynamiku źmieny ŭnutranych cen na haz u Rasii, i kali biełaruskija kalehi majuć namier inicyjavać pieramovy pa hetym pytańni, jany mohuć heta zrabić u ramkach adpaviednych mižuradavych instytutaŭ, ale dziejny kantrakt pry hetym pavinny vykonvać u poŭnym abjomie», — padkreśliŭ Kupryjanaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?