Aficyjny ŭzrovień biespracoŭja ŭ Minsku na 1 červienia 2010 hoda skłaŭ 0,4% ekanamična aktyŭnaha nasielnictva.

Za maj hety pakazčyk nie źmianiŭsia, paviedamili va ŭpraŭleńni zaniataści kamiteta pa pracy, zaniataści i sacyjalnaj abaronie Minharvykankama.

Siaredni pamier dapamohi pa biespracoŭi ŭ mai składaŭ 45,6 tys. rubloŭ (u krasaviku — 44,9 tys. rubloŭ).

U słužbach zaniataści na 1 červienia byli zarehistravany 4.292 biespracoŭnyja. U mai za sadziejničańniem u pracaŭładkavańni źviarnulisia bolš jak 9.900 čałaviek.

Na pastajannuju ci časovuju pracu ŭładkavany 4.413 biespracoŭnych, ź ich 3.089 — atrymali pastajannuju pracu.

Na časovuju pracu ŭ volny ad vučoby čas pracaŭładkavany 671 student i školnik. Na prafiesijnuju padrychtoŭku, pierapadrychtoŭku i pavyšeńnie kvalifikacyi nakiravana 1.108 biespracoŭnych. U hramadskich rabotach udzielničali 1.287 čałaviek, u tym liku 1.131 biespracoŭny.

Kolkaść zajaŭlenych vakansij na pradpryjemstvach stalicy na pačatak leta skłała 15.991, u tym liku dla rabočych — 12.508.

Pry pošuku pracy da kampjuternych infarmataraŭ źviarnulisia bolš za 157 tys. čałaviek, ankietu‑reziume zapoŭnili 1.454.

Najbolš zapatrabavanymi śpiecyjalistami ŭ Minsku źjaŭlajucca vadzicieli aŭtamabilaŭ, elektryki‑elektramanciory, hruzčyki, prybiralščyki, miedsiostry, sanitary, uračy‑terapieŭty, milicyjaniery, vadzicieli aŭtobusa, bietonščyki, mulary, vychavalniki, kanduktary, kraŭcy‑švački, aficyjanty, načalniki adździełaŭ kampanij, kandytary.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?