U Biełarusi raspačata praca pa ŭkaranieńni pasady pamočnika lekara ŭ paliklinikach, paviedamiŭ na pres‑kanfierencyi 16 červienia ŭ Minsku ministr achovy zdaroŭja Vasil Žarko.

Pavodle jaho słoŭ,

pamočnik doktara budzie ažyćciaŭlać daŭračebny kantrol pacyjentaŭ, vypisku receptaŭ, dyspansieryzacyju, kantrol za vykanańniem pacyjentam pryznačeńniaŭ doktara i h.d. Meta ŭviadzieńnia pasady — źniać nahruzku z doktara,
udaskanalić dastupnaść i jakaść miedycynskaj dapamohi ŭ paliklinikach.

Jak paviedamiŭ ministr, na pasadu pamočnika lekara mohuć pretendavać siarednija miedycynskija rabotniki, jakija prajšli śpiecyjalnaje navučańnie ci kursy pavyšeńnia kvalifikacyi. Zarpłata ŭ pamočnikaŭ doktara budzie vyšejšaj, čym u miedsiastry.

Zaraz u krainie kala 164 tys. miedrabotnikaŭ. Pavodle słoŭ Žarko, na kožnyja 10 tys. čałaviek prypadaje 30 daktaroŭ, što praktyčna adpaviadaje siaredniejeŭrapiejskamu pakazčyku. U toj ža čas, pavodle słoŭ ministra, sioleta arhanizacyi achovy zdaroŭja prysłali amal 4,5 tys. zajavak na śpiecyjalistaŭ, a raźmierkavana było 1,9 tys. vypusknikoŭ miedycynskich VNU.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?