U časie hetaha vizytu kiraŭnik litoŭskaha ŭradu Andrus Kubilus planuje ŭźniać pytańnie planavanaha budaŭnictva biełaruskaj AES i abmierkavać supracoŭnictva abiedźviuch krain dziela biaśpieki raźvićcia jadziernaj enerhietyki ŭ rehijonie.

Pra heta Andrus Kubilus zajaviŭ siońnia na bryfinhu ŭ časie mižnarodnaha kruhłaha stała «Rehijanalnyja prajekty ŭ atamnaj enerhietycy», jaki prachodzić u Vilni z udziełam pradstaŭnikoŭ 8 krain, Eŭrakamisii i hieneralnaha dyrektara MAHATE Jukijo Amana.

U časie bryfinhu, litoŭski premjer Andrus Kubilus skazaŭ:

«Litoŭski ŭrad vykazvaŭ zaŭvahi adnosna pradstaŭlenych biełaruskim bokam materyjałaŭ pra planavanuju biełaruskuju AES, bo my miarkujem, što sapraŭdy niestaje peŭnych dadzienych, i sapraŭdy chacieli b, kab u Biełarusi bolš uvažliva pastavilisia da našaj zakłapočanaści hetym prajektam AES.

Ź biełaruskim premjeram u časie jaho apošniaha vizytu ŭ Litvu my havaryli pra supracoŭnictva ŭ sfery enerhietyki i biaśpieki jadziernaj enerhietyki. Litva maje dobry dośvied u hetaj sfery, jaki pryznaje i MAHATE, učora jakraz my pra heta razmaŭlali z kiraŭnikom MAHATE ŭ Vilni. Tak što dyjaloh ź Biełaruśsiu ŭ hetaj sfery my pavinny praciahvać i majem mahčymaść praciahvać, pakolki ja planuju ŭ bližejšym časie naviedać Biełaruś. I my ščyra imkniemsia da taho, kab Biełaruś raźvivała svaju jadziernuju enerhietyku takim čynam, kab jaje biaśpieka adpaviadała mižnarodnym standartam. Litva hatovaja ŭ hetym dapamahčy Biełarusi».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?