13 červienia ŭ ciahniku Maładziečna — Lida pabilisia dva mužčyny. Za što — nie pamiataje ni adzin, ni druhi.

Paznajomilisia jany vypadkova, akurat pierad adpraŭleńniem ciahnika. A pakolki było ŭ adnu darohu, čas vyrašyli pravieści «pryjemna». Pakul dajechali da prypynku «Siečki», vypili dźvie butelki vina i butelku harełki. Słova za słova, zaviazałasia svarka, jakaja pierarasła ŭ bojku.

Raściahvali ich i pasažyry, i rabotniki čyhunačnaha transpartu.

Tym nie mienš 23‑ch hadovy mužčyna sumieŭ davieści svajho 29‑hadovaha «siabra» da balnicy.

Sa strasańniem hałaŭnoha mozhu i ŭdaram levaj pałovy hrudnoj kletki jaho dastavili ŭ miedycynskuju ŭstanovu. Cikava, što ni adzin, ni druhi mužčyna, tak i nie zmahli patłumačyć milicyjanieram, z‑za čaho adbyŭsia kanflikt. Jany hetaha prosta nie pamiatajuć.

«Abodva tavaryšy našy dobryja znajomyja, — raskazvaje inśpiektar prafiłaktyki Maładziečanskaha adździaleńnia ŭnutranych spraŭ na transparcie Alaksandr Łazavik,— jak adzin, tak i druhi nieadnarazova pryciahvalisia da administracyjnaj adkaznaści za pjanstva i drobnaje chulihanstva. Ale vyvadaŭ dla siabie nijakich nie zrabili».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?