Z pačatku hoda za niapłatu kamunalnych pasłuh u Minsku było vysielena vosiem siemjaŭ, ź ich siem — z vydzialeńniem mienšaj i mieniej dobraŭparadkavanaj žyłpłoščy, adna — biez vydzialeńnia žyłpłoščy. Takija danyja pryvioŭ na pres‑kanfierencyi 16 červienia hienieralny dyrektar HVA «Minskaja haradskaja žyllovaja haspadarka» Uładzimir Rejentovič.

Jon taksama paviedamiŭ, što na siońnia suma zapazyčanaści za kamunalnyja pasłuhi składaje 5 młrd. 800 młn. rubloŭ (na 1 studzienia 2010 hoda jana ledź pieravyšała 6 młrd. rubloŭ). Daŭžnikami źjaŭlajucca 5,6% płacielščykaŭ, asnoŭny pracent ź ich składajuć tyja, chto maje zapazyčanaść terminam da troch miesiacaŭ.

Pavodle słoŭ hiendyrektara, z daŭžnikami pravodzicca vialikaja praca: im rassyłajuć papiaredžańni, u vypadku niapłaty adklučajuć vadu, haz i elektryčnaść, a zatym padajuć iskavyja zajavy ŭ sud. Sioleta padadziena 165 pazoŭ na vysialeńnie daŭžnikoŭ, paviedamiŭ Rejentovič.

Jon zaklikaŭ hramadzian, jakija apłačvajuć kamunalnyja pasłuhi poštaj, rabić heta za dva‑try dni da kančatkovaj daty (25‑ie čysło kožnaha miesiaca), a tych, chto zrabiŭ apłatu ŭ apošni dzień, paviedamlać pra heta ŭ raźlikova‑kasavy centr pa miescy žycharstva. Heta źviazana z zatrymkaj pieraliku hrošaj na pošcie. U advarotnym vypadku z 26‑ha čysła naličvajecca pieni, rastłumačyŭ hiendyrektar.

Uładzimir Rejentovič paviedamiŭ, što Minharvykankam vystupiŭ ź inicyjatyvaj pavialičyć pieniu za praterminoŭku płaciažoŭ z 0,3 da 0,5% za kožny dzień praterminoŭki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?