Hazeta «Novy čas» atrymała papiaredžańnie ad Ministerstva infarmacyi. Hazetu vinavaciać u tym, što ŭ vychodnych dadzienych nie paznačanyja imia pa baćku hałoŭnaha redaktara, štrychavy identyfikacyjny kod, a taksama nie nazvany respublikanski orhan dziaržaŭnaha kiravańnia ŭ sfery masavaj infarmacyi.
Hałoŭny redaktar vydańnia Alaksiej Karol raspavioŭ:
«My pacikavilisia, jak heta ŭ dziaržaŭnych hazetach.Amal nidzie my nie znajšli imia pa baćku. I, pa sutnaści, va ŭsich dziaržaŭnych rajonnych hazetach adsutničaje štrych‑kod, chacia jon pavinien być, kali jany pradajucca. My ž nie pradajemsia i nie idziem u padpisku. Ja dumaju, što heta źviazana ź pieradvybarčymi «ŭznaharodami», kali hazety padviešvajucca, kab u patrebny momant ich začynić ci abmiežavać. Heta element pieradvybarčaj kampanii».
14 červienia ŭ Harodni buduć sudzić hramadzkaha raspaŭsiudnika, u čyjoj mašynie znajšli pačak hazet «Novy čas». U pratakole milicyjanty zapisali, što heta «sproba raspasŭjudu».
