Preludyja da seksu dazvalaje nam stvaryć nievierahodnaje adčuvańnie.
Kab luboščy sapraŭdy napoŭnilisia žarściu i vysokimi seksualnymi enierhijami, padčas preludyi možna zadziejničać usie piać pačućciaŭ: pachu, smaku, zroku, słychu, dotyku. Davajcie pahulajemsia ŭ luboŭnuju hulniu – hulniu pačućciaŭ!
1. Pach.Pačućcio pachu naradžaje ŭ nas apetyt, kali my źvietryli ŭlubionuju stravu. U kachańnia, vyśviatlajecca, taksama jość pach: spakušajučy procilehły poł, žyvyja istoty raspaŭsiudžvajuć vakoł siabie fieramony. Niezdarma šmat jakija z parfiumaŭ źmiaščajuć fieramon roznych žyviołaŭ.
Akramia hetaha, jość raznastajnyja duchmianyja alivy i šmaravidły, jakija naradžajuć pociah – heta my pra Iłanh-ałanh i pačoli. U hetych šmaravidłaŭ efiekt imhnienny – jany naradžajuć i ŭzmacniajuć žadańnie. Seksualnyja pachoščy možna znajści ŭ roznych vyhladach –i raspuščalnaja sol dla balei, i ćviordaje myła, i pachučaje šmaravidła dla masažu. Ciapier u biełaruskich handlovych centrach (u kalidorach) pačali pradavać butelečki z pachoščami ŭ kancentravanym vyhladzie. Pryblizna za paŭhadziny da dziejstva, kab vodar raspaŭsiudziŭsia pa pakoi, ich treba krychu raspuścić vadoju i krychu nahreć. I žadańnie siahnie ŭ niaznanyja vyšyni.
2. Smak.
Źvieści dźvie asałody: ježu i luboščy – staraja jak śviet.
U eratyčnych hulniach ź ježaj dajcie vašaj fantazii paharezić: namalujcie arnamient na aholenym ciele partniora klanovym abo šakaładnym siropam, ci miodam (chiba śpiarša zapeŭniciesia, što ŭ vašaj pary niama cukroŭki). Intymnyja miescy možna azdobić puchkim kremam. I – smačna jeści! Vylivajcie, kapajcie, šmarujcie, a potym źlizvajcie i nadkusvajcie. A jašče dla hastranamična-eratyčnych hulniaŭ prydatnyja maroziva i dolki ekzatyčnaj sadaviny. Pierad aholenaj viačeraj možna zaviazać adno adnomu vočy.
3. Zrok.
Parada žančynam – vašaha mužčynu možna chutka i lohka źvieści z rozumu vizualnymi hulniami: kali jon užo ŭ łožku, pry ŭvachodzie ŭ spalniu apranicie paŭprazrystyja biełyja štany. Raspranajciesia pavoli, vielmi pavoli...
Parada №2: jež svaju viačeru z pačućciovaściu, abližy vusny i palcy, lohka ich pakusvajučy. Chaj jon užo z času viačery pačnie ŭjaŭlać sabie ŭsiakaje-roznaje...
4. Cłych.
Parada mužčynam: źvieści z rozumu vašu partniorku možna seksualnym šeptam. Pačnicie heta pa telefonie: pazvanicie joj na pracu i skažycie ŭsiu praŭdu: jakaja jana była siońnia seksualnaja zranku. Słovy dla žančyny jak streły, što celać u samaje serca. Pa pavarocie dadomu nie bojciesia ŭdarycca ŭ detali: dadajcie pra svaje raspalenyja pačućci i jak jaje cieła ŭzrušvaje vas.
5. Dotyk.
Kab vykazać svaje pačućci, my paciskajem ruki, palapvajem pa plačy i navat atulajem rukami navat paŭznajomych nam ludziej. Dyk što kazać pra svaju paru – vykažycie joj svaju zamiłavanaść pry dapamozie eratyčnaha masažu. Rekamiendujecca dalikatnaje masavańnie padušačkami palcaŭ.
Na zakančeńnie, nie zabyvajciesia, što navat u łožku vielmi važnaja kamunikacyja pamiž partnioram: kali vas niešta razdražniaje ci vam štości zaminaje — skažycie heta adno adnamu.
