Na biełaruska‑rasiejskaj miažy na šlachu z Rasiei ŭ Biełaruś milicyjanty zatrymali aŭtamabil z nakładam hazety «Tovariŝ» partyi «Spraviadlivy śviet». Pra heta «Svabodzie» paviedamiŭ namieśnik redaktara Źmicier Janienka, jaki supravadžaŭ hruz.
«Nas spyniŭ supracoŭnik biełaruskaha DAI, ubačyŭ, što ŭ mašynie hazety, patelefanavaŭ niekamu i zahadaŭ śledavać za im ŭ rajcentar Dubroŭna. Dakumenty na hruz jon bačyŭ, ale heta nie dapamahło. Miarkujem, nakład znoŭ pratrymajuć niekalki hadzinaŭ i adpuściać. Bo hazeta zarehistravanaja i jość damova na jaje drukavańnie ŭ Smalensku. Ale vidavočna, što ŭłada baicca volnaha słova i robić nam ŭsialakija pieraškody», ‑‑ miarkuje Źmicier Janienka.
Represii suprać hazety «Tovariŝ» stali zvyčajnaj źjavaj. Ciaham hetaha i minułaha hadoŭ nakład hazety nieadnarazova aryštoŭvaŭsia na miažy, a litaralna 10 dzion tamu hazeta «Tovariŝ» atrymała papiaredžańnie ad ministerstva infarmacyi.
