Pamiatny kamień znoŭ chočuć pieravieźci. Ciapier užo na raniejšaje miesca ŭ viosku Budźki Chacienčyckaha sielsavieta.

Fota vilejka.org.

Fota vilejka.org.

U mai dyrektar lesahaspadarčaj ustanovy «Krasnasielskaje», kudy ŭvachodzić Chacienčyckaje laśnictva, Alaksandr Bury źviarnuŭsia ŭ Vilejski rajvykankam z prośbaj viarnuć kamień na raniejšaje miesca. Jaho miarkujecca ŭklučyć u lik turystyčnych abjektaŭ na terytoryi haspadarki.

Namieśnik staršyni Vilejskaha rajvykankama Mikałaj Karotki paviedamiŭ, što kančatkovaje rašeńnie nakont kamienia budzie pryniataje ŭ bližejšy čas.

A pakul razhladajecca mahčymaść jaho pieranosu na terytoryju miascovaha krajaznaŭčaha muzieja.

Ciapier vałun Piłsudskaha znachodzicca ŭ Vilejcy ŭ rajonnych elektryčnych sietkach.

Kamień Piłsudskaha ŭ Budźkach pastavili ŭ 1930-ch hadach paśla śmierci maršała pobač sa škołaj jaho imia. U 2004 polskija dypłamaty zachacieli pieravieźci kamień na terytoryju pasolstva ŭ Minsku. Vilejskija ŭłady dazvolili taki krok. Ale, kali palaki pryjechali pa kamień, jaho na miescy nie znajšli. Jak vyśvietliłasia, vilejskija krajaznaŭcy Anatol Rohač i Jaŭhien Pietrykievič pieravieźli vałun u horad. Byŭ raspačaty zbor podpisaŭ za toje, kab pakinuć kamień u Vilejcy. Pad ciskam hramadskaści staršynia rajvykankama pryniaŭ adpaviednaje rašeńnie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?