Kandydat u prezidenty ad Abjadnanaj hramadzianskaj partyi vyrašyŭ žanicca.
Žanićba pa zadańni partyi — vydatnaja nahoda dla pijaru. I voś užo «Narodnaja vola» biare ŭ Ramančuka intervju na pryvatnyja temy.Jon dzielicca svaimi kreda.
«Ty prychilnik hrupavoha seksu?» — pytajecca jaho žurnalistka. (Voś ža, što naš narod pracavity cikavić u kandydatu.) — «Nie, — adkazvaje jon. — Dla mianie vyklučany taki varyjant z mužčynami. A voś damski varyjant tearetyčna dapuskaju».
A što libieralny kandydat miarkuje pra siamiejnyja zdrady?
«Fakt ustupleńnia majoj žonki ŭ kamunistyčnuju partyju dla mianie našmat bolšaja zdrada, čym seks na baku. Darečy, niekatoryja mužčyny ź nieŭraŭnavažanaj psichikaj ličać zdradaj užo toje, što žančyna kuplaje vibratar».— «A ty na padobnyja cacki reahuješ spakojna?» — vypytvaje cikaŭnaja hazieciarka. — «Kali heta dapamahaje rassłabicca, atrymać maksimalnuju asałodu — tak».
Kali tak pojdzie dalej, to svajho kandydata buduć mieć usie słai biełaruskaha nasielnictva, ad samych libieralnych da samych kansiervatyŭnych.
«Na jakija achviary nie pojdzieš dziela prezidenckaha kresła!» — iranizuje na svaim sajcie z palityčnaha kankurenta «Pravy aljans».
