Šlubnaje žyćcio važnaje nie tolki dla pradaŭžeńnia rodu i atrymańnia asałody. Ad jaho taksama naŭprost zaležyć fizičnaje zdaroŭje. Ład u adnosinach mužčyny j žančyny robić nas ščaśliviejšymi i maładziejšymi. Kali niekatoryja efiekty seksu dobra viadomyja, inšyja byli dakazanyja miedykami adnosna niadaŭna.
1. Luboščy źmianšajuć uzrovień chalesterynu ŭ kryvi. Padvyšajuć uzrovień «dobraha» chalesterynu za košt «kiepskaha».
2. Luboščy ŭzmacniajuć płyń kisłarodu ŭ tkanki i va ŭnutranyja orhany, praź luboščy bolšaje testasteronu, jaki macuje ciahlicy.
3. Luboščy ŭzmacniajuć imunnuju sistemu, i vypracoŭvajuć ustojlivaść pierad prastudaj i hrypam.
4. Rehularnyja luboščy «spalvajuć» blizu 12500 kałoryjaŭ na hod. Zvyš tych kałoryj, što raschodujucca na ruch pry seksie, prykładna 80 kałoryjaŭ spalvajucca praz padvyšeńnie cisku.
5. U mužčyn unarmavany seks narmalizuje funkcyju prastaty. Ale niedabor ci pierabor, pustoje pieraŭzbudžeńnie, naadvarot, vyklikajuć zastoj kryvi ŭ pachu.
6. U žančyn arhazm abaraniaje šyjku macicy pierad virusam papiłomy, jaki moža pryvodzić da novaŭtvareńniaŭ. Dasiahnieńnie arhazmu padymaje ŭzrovień harmonu estrahienu, jaki abaraniaje serca i taksama dbaje pra ełastyčnaść i śviežaść skury pa ŭsim ciele.
7. Harmonija ŭ paścieli nadaje dušeŭnyja siły. Seks padvyšaje ŭzrovień endarfinaŭ (sieratanina i dapamina). Hetyja adpryrodnyja bolesuciašalniki apiakujucca stresam, nadajuć pačućcio spakoju, zadavolenaści i ahulnaj badzioraści. Žanočy arhazm spryjaje vyłučeńniu oksitacyna, jaki nazyvajuć «harmonam pryjaznaści i parazumieńnia».
8. Seks zapavolvaje pracesy stareńnia. Kožny stareje ŭ svaim rytmie. Heta zaležyć taksama i ad funcyjanavańnia mozha, ad taho, jak jon prymaje i apracoŭvaje zvarotnuju źviestki z asiarodździa. Mozh (asabliva žanočy) prymaje arhazm jak «vierahodnuju ŭradlivaść». Seksam my jak by ašukvajem mozh, jaki pačynaje źviazvać zaniatki seksam z apładnieńniem, i tamu zapavolvaje pracesy stareńnia.
Kachajciesia na zdaroŭje!
