Mienavita žyćcio ŭ pary prynosić nam usio bahaćcie pačućciaŭ.
Hetyja pačućci — vielmi asabistyja, vašyja, i, zdajecca nijak nie źviazanyja ź inšym čałaviekam. Adnak, niahledziačy na toje, što hutarka idzie pra vielmi asabistyja pieražyvańni, treba pryznać, u vašaha spadarožnika pa žyćci — pačesnaje miesca ŭ vašym asabistym ščaści. Jon — ščyra siabar, pałki kachanak, vaš addany słuchač urešcie. Ci vy zaŭvažyli, što apisvajučy jaho, my ŭrešcie raspaviadajem pra vas?
Što treba zrabić, kab vaša sumiesnaje i luboŭnaje žyćcio było ščaśliviejšym?
Vykazvać padtrymku.U štodzionnaj rucinie my zabyvajemsia pra važnaść hetaj prostaj rečy — padtrymać svajho partniora. Nia važna što: u jaho pačynańniach, jaho niahodach, navat u jaho rašeńni zvolnicca. Adčuŭšy padtrymku, vaš partnior adno macnieje ducham.
Kazać pryjemnaści.Štodnia znachodźcie skazać pra jaho/iaje što-niebudź novaje. Možna pramović słovami, možna dasłać SMS, a možna i prosta hareźliva padmirhnuć. Štoraz, kali vy dajacie i atrymlivajecie stanoŭčuju zvarotnuju suviaź ad svajho partniora, vy ŭščylniajecie poviaź i stvarajecie tryvały padmurak dla sumiesnaha žyćcia.
Naładžvać štodzionnuju kamunikacyju.Sumiesnaha žyćcia i vašaha kachańnia — zamała. Uzmacnicie moŭnyja stasunki z partnioram: raspaviadzicie jamu pra svaje apošnija pryhody i adčuvańni, dumki i mierkavańni, dałučycie jaho da svaich płanaŭ, prynamsi niekatorych ź ich. Navat samyja čullivyja ludzi nie ŭ stanie viedać, čym žyvie ich partnior, pakul nie pačuje skazanaha. Tamu, nie zadvolvajciesia namiokami i abvodnymi razmovami.
Ad čaho ŭchilicca?
Asudžeńnie. Adna reč ad jakoj varta pazbycca — heta asudžeńnie. Asudžeńnie partniora viadzie da vašaj ad jaho adčužanaści. Asuda — heta faktyčna naša niavykazanaja dumka pra partniora, stojenaje mierkavańnie pra jaho. Asudžeńnie naradžajecca ad braku źviestak pra blizkaha čałavieka i śviedčyć pra adsutnaść kamunikacyi pamiž partniorami. Tyja, chto asudžaje svajho spadarožnika žyćcia, pačuvajucca niedastatkova blizkimi da jaho, a čym bolš asudžaješ, tym bolš addalaješsia.
Kryŭda.
Nazapašvańnie kryŭdy i złości jak vynik našaj niazdatnaści padzialicca z partnioram svaimi pačućciami — prykład sapsavanaj kamunikacyi pamiž partniorami. Heta naša niazdatnaść skazać toje, što majem na sercy. Skazy kštałtu «Jak mnie ciažka», «Mnie nichto nie dapamahaje», «Mnie ŭvieś čas niazručna» zamianicie na «Dapamažy mnie, kali łaska» abo «Słuchaj, tut takaja sprava…».
