«Prablema «ŭciečki mazhoŭ» u Biełarusi siońnia nie takaja aktualnaja», — ličyć hałoŭny vučony sakratar Nacyjanalnaj akademii navuk Biełarusi Siarhiej Čyžyk.

Pra heta jon zajaviŭ, vystupajučy 28 maja ŭ Minsku na adkryćci respublikanskaj navukova‑praktyčnaj kanfierencyi «Pierśpiektyvy raźvićcia respublikanskaj sistemy navukova‑daśledčaj pracy studentaŭ».

«Kali raniej my mahli pajechać papracavać za 1‑2 tys. dołaraŭ, to siońnia maładyja ludzi nie pajeduć za takija hrošy, a buduć uładkoŭvać svajo žyćcio tut»,

— skazaŭ jon. Pavodle słoŭ Čyžyka, z‑za situacyi, što skłałasia ŭ 1990‑ch hadach, u NAN «praktyčna niama śpiecyjalistaŭ 35‑40 hadoŭ, pakolki jany abo syšli ŭ kamiercyju, abo źjechali za miažu». Jak paviedamiŭ Čyžyk, «navukovyja instytuty NAN, biezumoŭna, adčuvajuć kadravy hoład na fonie stareńnia śpiecyjalistaŭ». Razam z tym, kolkaść maładych vučonych da 29 hadoŭ składaje bolš jak 20% supracoŭnikaŭ akademii.

Havoračy pra zarabotnuju płatu ŭ navucy, Čyžyk paviedamiŭ, što ŭ kancy 2009 hoda ŭ siarednim jana skłała kala 1 młn. 400 tys. rubloŭ.

Stypiendyja aśpiranta, pavodle jaho słoŭ, siońnia składaje bolš za 600 tys. rubloŭ.

«My ličym, što heta mała, niedastatkova dla śpiecyjalistaŭ vysokaha ŭzroŭniu», — dadaŭ jon.

Pavodle słoŭ Čyžyka, NAN zacikaŭlena ŭ vyjaŭleńni maładych vučonych, schilnych da tvorčaj navukovaj pracy. Pavodle jaho mierkavańnia, takuju pracu nieabchodna vieści jašče sa studenckaj łaŭki — pryciahvać navučencaŭ z 3‑ha kursa da pracy ŭ łabaratoryjach. Jon adznačyŭ, što kala 500 supracoŭnikaŭ NAN vykładajuć u VNU i zajmajucca vyjaŭleńniem zacikaŭlenych studentaŭ. Čyžyk zajaviŭ, što NAN hatova pryniać studentaŭ u łabaratoryi instytutaŭ, dać łabaratornuju bazu. Jon nahadaŭ, što ŭ biełaruskich VNU stvorany 37 sumiesnych z NAN kafiedraŭ, navukovych centraŭ, ale niekatoryja ź ich, pavodle jaho słoŭ, «pracujuć niedastatkova efiektyŭna».

Vučony nahadaŭ, što sioleta NAN i Biełaruski dziaržaŭny univiersitet zaklučyli pahadnieńnie ab padrychtoŭcy navukovych kadraŭ, jakoje praduhledžvaje sumiesnuju pracu sa studentami, stvareńnie sumiesnych kafiedraŭ, arhanizacyju konkursaŭ navukovych prajektaŭ. Čyžyk paviedamiŭ, što ŭ nastupnym hodzie budzie karektavacca sistema finansavańnia navuki, i konkursy navukovych prajektaŭ atrymajuć finansavuju padtrymku.

Jak paviedamiŭ Čyžyk, «pytańnie pryciahnieńnia kadraŭ u daśledčuju pracu vielmi vostra staić va ŭsim śviecie». Pavodle jaho mierkavańnia, vyrašeńniu hetaj prablemy ŭ Biełarusi budzie spryjać raźvićcio navukovych daśledavańniaŭ ajčynnymi pradpryjemstvami. «Za košt hetaha budzie zapatrabavany student, jaki pryśviačaje siabie navucy», — skazaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?