U Anhlii ranišnimi luboščami baviacca da 5% nasielnictva, u Niamieččynie i Francyi amataraŭ kachacca pierad pracoŭnym dniom — jak najbolš 7%, u Italii — 9, ale bolš za 10 adsotkaŭ nie daje nivodnaja jeŭrapiejskaja kraina. Tolki što vycisnuty apielsinavy sok i chvackaja jaječnia? Viadoma, dobryja rečy, ale miž tym śćviardžajuć seksołahi, što seks uranku — duža karysny zaniatak. Nižej my padajem vosiem pieravah ranišnich luboščaŭ: viadoma, nie varta prymać ich jak biezapielacyjnyja dovady «za», ale zadumacca varta.
1. Seks rankam — vydatnaja zaradka.Padčas pieščaŭ zadziejničanyja ci nie ŭsie hrupy ciahlic čałaviečaha arhanizmu. Seks-himnastyka prostaja dla zasvajeńnia — heta ŭmieje kožny!
2. Vydatny masaž dla ŭnutranych orhanaŭ pierad doŭhim dniom.Palepšyć zvarot kryvi, aktyvizavać dychańnie — dobry pačatak dnia dla vašych sudzinaŭ. Ryzyka sardečnych zachvorvańniaŭ padaje, załahodžvajucca mihreni.
3. Navukoŭcy daviali, što žančyny, jakija addajuć pieravahu ranišniamu seksu, radziej pakutujuć na depresiju, a mužčyny — mienš padležnyja stresam.
4. Harmanalny plus. Testasteron u kryvi mužčyny ŭ pramiežku ad siomaj da vośmaj ranku siahaje svajho piku.
5. Vośmaja ranku — najlepšaja para dla seksualnych adnosinaŭ, pakolki arhanizmy abodvuch partnioraŭ litaralna «napampavanyja» enerhijaj.Druhi taki pik impetu nastupić nia chutka - adno a 8 viečara.
6. Ranišni seks naładoŭvaje badzioraściu na ceły dzień,sakret jakoj u vypracavanych endarfinach.
7. Ranišni seks pakidaje stanoŭčyja zhadki na ceły dzień, što dazvalaje być u humory(navat kali nad vami ceły dzień krukam zhinajecca načalnik).
8. Ranišni seks — daroha da nasyčanaha połavaha žyćcia partnioraŭ.
P.S. 9. Viesialej pračynacca dziela seksu, čym dziela taho, kab iści na pracu.
