Akramia taho, licenzavańniu budzie padlahać dziejnaść u śfiery vykarystańnia atamnaj enierhii i krynic ianizujučaha vypramieńvańnia. Pra heta 28 maja ŭ Minsku na pasiadžeńni Savieta pa raźvićci pradprymalnictva zajaviŭ namieśnik ministra ekanomiki Andrej Tur.

Pavodle jaho słoŭ, u Administracyi prezidenta zaviaršajecca praca nad prajektam ukaza ab licenzavańni asobnych vidaŭ dziejnaści. «Dumaju, što najbližejšym časam jon budzie padpisany», — adznačyŭ Tur.

rajektam ukaza praduhledžvajecca admianić licenzavańnie 16 vidaŭ dziejnaści, siem ź jakich uklučajuć 59 składnikaŭ rabot i pasłuh, a taksama kala 60 pazicyj pa vidach rabot i pasłuh. Płanujecca taksama skaracić termin ažyćciaŭleńnia pracedury z 30 da 15 rabočych dzion i termin pradaŭžeńnia dziejańnia licenzij z 15 da 10 dzion.

Pavodle słoŭ Tura, prajektam ukaza vyznačajecca vyčarpalny pieralik vypadkaŭ admovy ad vydačy licenzii. Aptymizavany i skaročany pieralik peŭnych patrabavańniaŭ i ŭmoŭ da dakumientaŭ, jakija padajucca pry zvarocie pa vydaču licenzii. Vyrazna vyznačany vypadki spynieńnia dziejańnia, anulavańnia licenzii.

U vyniku kolkaść licenzavanych vidaŭ dziejnaści skarocicca da 38, abo na 32%. Akramia taho, na 36% budzie skaročana kolkaść licenzavanych pazicyj pa vidach rabot i pasłuh. «Heta dazvolić pamienšyć kolkaść vydačy licenzij aryjencirovačna na 160 tysiač, abo na 60%», — zajaviŭ Tur.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?