U spravie pradziusiera Hienadzia Šulmana dahetul nie mohuć pastavić kropku. Sudovyja słuchańni prypynili na čas dla dadatkovaha razhladu spravy.

Były dyrektar pradziusierskaha cientra «Kłass‑Kłub DK» Hienadź Šulman dahetul čakaje prysudu. Čałaviek, jaki pazyčyŭ bolš za 600 miljonaŭ rubloŭ, byŭ zatrymany 6 kastryčnika 2009 hoda. Z hetaha času jon znachodzicca za kratami. Pieršapačatkova Šulmana abvinavačvali pa troch artykułach Kryminalnaha kodeksa Biełarusi: złosnym chulihanstvie, machlarstvie ŭ asoba bujnym pamiery i pryčynieńni majomasnaj škody ŭ bujnym pamiery biez prykmiet kradziažu. Paźniej da hetaha dadałosia jašče adno abvinavačvańnie — machlarstva, ździejśnienaje arhanizavanaj hrupaj ci ŭ asoba bujnym pamiery.

Niahledziačy na pierapynak u sudovych pasiadžeńniach, Šulman nie źbirajecca mianiać svaju pazicyju i dahetul nie pryznaje siabie vinavatym ni pa adnym z epizodaŭ spravy. Jon nastojvaje na tym, što hrošy viartać jon mieŭ namier, ale čakaŭ, pakul patrebnaja suma naźbirajecca ŭ jakaści prybytku ad kancertaŭ.

Kali budzie pryznačana čarhovaje sudovaje pasiadžeńnie pa spravie Hienadzia Šulmana, pakul nie jasna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?