Moładzievy aktyvist Leanid Nikałajeŭ staŭ šyroka viadomy paśla adčajnaha pierformansu na Kramloŭskaj uźbiarežnaj.

U Maskvie nieviadomyja vykrali moładzievaha aktyvista Leanida Nikałajeva. Małady čałaviek prasłaviŭsia ŭ internecie rolikam, na jakim jon, nadzieŭšy na hałavu siniaje viadro, pieraskokvaje aŭtamabil ź śpiecsihnałami na Kramloŭskaj uźbiarežnaj. Pa słovach sustaršyni maskoŭskaha adździaleńnia ruchu «Salidarnaść» Usievałada Čarnazuba, siońnia a 9-j ranicy, kali Nikałajeŭ vychodziŭ sa svajho doma na pracu, šlach jamu zastupili dva aŭtamabila. Nieviadomyja ŭ cyvilnym zapichnuli apazicyjaniera ŭ mašynu i źjechali ŭ nieviadomym kirunku. Jak pakazaŭ Čarnazub sa spasyłkaj na maci Nikałajeva, raniej ranicaj da ich u dom prychodziła milicyja, ale dźviery jany nie adčynili.

U adnym ź intervju Nikałajeŭ, jaki ŭvachodzić u palitradu maskoŭskaj «Salidarnaści», pryznaŭsia, što jaho nalot na mašynu, prypisanuju da FSB, byŭ nie tolki art-pierformans, ale i apazicyjnaj akcyjaj. «FSB zdajucca takimi strašnymi, niepieramožnym hihantami, — zajaviŭ jon «Svabodnaj presie». — A tut — uziać tak, pobač z Kramlom paviesialicca, pažartavać nad imi, i nie mieć paśla hetaha nijakich nastupstvaŭ». Akcyja z «sinim viadziercam» była arhanizavana ŭ minułuju niadzielu art-hrupaj «Vajna», viadomaj svaimi epatažny akcyjami.

 Akcyja pratestu ŭ Maskvie suprać śpiecsihnałaŭ na čynoŭnickich aŭto. Fota webpark.ru

Akcyja pratestu ŭ Maskvie suprać śpiecsihnałaŭ na čynoŭnickich aŭto. Fota webpark.ru

Heta nie pieršy pierformans z vykarystańniem viadziercaŭ siniaha koleru. U krasaviku ŭ Maskvie prajšła masavaja akcyja, skiravanaja suprać sinich mihałak na słužbovych aŭto. Udzielniki akcyi načapili na svaje transpartnyja srodki sinija viadziercy, jakija imitavali śpiecsihnał čynoŭnickaha transpartu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?