U respublikanskim dziciačym turniry pa spartyŭnaj himnastycy «Kubak Maŭhli» voźmuć udzieł 350 dziaciej ad 2 da 6 hadoŭ. Pra heta paviedamiŭ kiraŭnik dziciačaha daškolnaha kłuba azdaraŭlenčaj spartyŭnaj himnastyki «Maŭhli» Anatol Ašurkoŭ 27 maja na pres‑kanfierencyi ŭ Minsku.

Spabornictvy pravodziacca ŭžo druhi raz, ale sioleta ŭ ich udzielničajuć nie tolki minčanie, ale i dzieci ź Minskaha rajona, Barysava i Homiela.

Usie ŭdzielniki padzieleny na try ŭzrostavyja hrupy: u pieršuju, samuju małalikuju, uvachodziać dzieci 2—3 hadoŭ, u druhuju — ad 3 da 4,5 hoda, u treciuju — dzieci, jakim bolš za 4,5 hoda.

Siarod navin hetaha hoda — numary z udziełam baćkoŭ. Usiaho dzieci padrychtavali kala 30 numaroŭ. Kryteryjami acenki vystupleńniaŭ buduć himnastyčnyja ruchi, sinchronnaść, muzyčnaść, raskryćcio siužeta i dekaracyi, adznačyŭ Ašurkoŭ.

«U hetym turniry dla dziaciej hałoŭnaje — udzieł. My razumiejem, što fraza «Chutčej, vyšej, macniej!» pakul nie dla ich. Samaja hałoŭnaja zadača spabornictvaŭ — pierakanać baćkoŭ u nieabchodnaści dziciačaj himnastyki», — raskazaŭ žurnalistam vykanaŭčy dyrektar pradstaŭnictva NAK u Minsku, alimpijski čempijon Leanid Taranienka.

Turnir projdzie na vieładromie kulturna‑spartyŭnaha kompleksu «Minsk‑Arena» 30 maja. Pakolki mierapryjemstva budzie doŭžycca nie mienš čym čatyry hadziny, dla hledačoŭ z maleńkimi dziećmi budzie pracavać «zona aktyvacyi», dzie dzieci zmohuć pahulać.

U nastupnym hodzie turnir płanujecca zrabić mižnarodnym. Arhanizataram užo pastupili zajaŭki ad trenieraŭ z Małdovy i Rasii, taksama buduć padklučacca jeŭrapiejskija krainy. Na nastupnych spabornictvach u prahramu buduć uklučany praktykavańni na himnastyčnych snaradach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?