Eduard Zankaviec, vierahodna, zastaniecca hałoŭnym trenieram zbornaj Biełarusi pa chakiei. Vykankam Fiederacyi chakieja Biełarusi na siońniašnim pasiadžeńni pahadziŭsia z prapanovaj staršyni FCHRB Jaŭhiena Vorsina daručyć štabu Zankaŭca pracu sa zbornaj.

Praŭda, pakul nie zrazumieła, ci budzie ŭ štacie fiederacyi chakieja ŭviedziena pasada hałoŭnaha treniera, bo Jaŭhien Vorsin panarakaŭ na składanuju finansavuju situacyju, u suviazi z čym FCHRB pakul nie hatovaja zabiaśpiečyć zarpłatu treniera.

Eduard Zankaviec, u štab jakoha ŭvajšli taksama biełaruskija śpiecyjalisty Uładzimir Cypłakoŭ, Alaksandr Andryjeŭski i Andrej Husaŭ, uznačaliŭ nacyjanalnuju družynu ŭ krasaviku, za miesiac da startu čempijanatu śvietu pa chakiei.

Niahledziačy na toje, što zadača pa vychadu ŭ vaśmiorku najmacniejšych kamandaŭ na pieršynstvie płaniety vykanana nie była (zbornaja Biełarusi zaniała 10‑ie miesca), vykankam FCHRB pryznaŭ vystup nacyjanalnaj družyny zdavalnialnym — 11 hałasoŭ «za», 5 ‑‑ «suprać», astatnija ŭstrymalisia. U pratakole pasiadžeńnia budzie adznačana, što zadača na čempijanacie śvietu nacyjanalnaj družynaj vykanana nie była.

Tym nie mienš, vykankam FCHRB vystupiŭ za praciah supracoŭnictva z trenierskim štabam Eduarda Zankaŭca.

Miarkujecca, što praca hetaha štaba budzie doŭhaterminovaj z prycełam na čempijanat śvietu 2014 hoda, jaki projdzie ŭ Minsku. Zrešty, Jaŭhien Vorsin adznačyŭ, što praciahłaść pracy ciapierašniaha trenierskaha štaba moža zaležać i ad vynikaŭ vystupleńnia: «Praca sa zbornaj — heta nie achoŭnaja hramata, my pavinny ŭbačyć prahres. Akramia taho, my pavinny nieści adkaznaść razam sa štabam nacyjanalnaj družyny».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?