Što jes Słovio? Słovio jes noviu miežunarodiu jazika ktor razumijut čtirsto milion łudis na ciełoju ziemła. Słavacki linhvist Mark Hučko (nar. 1947) z hrupaj adnadumcaŭ zajmajecca stvareńniem štučnaj movy słovijo, zbudavanaj na padmurku słavianskich movaŭ i pryznačanaj zrabicca ahulnaj dla ŭsich słavianskich narodaŭ. Pavodle sajta slovio.com u hetaj movie ŭžo jość kala 60 tysiač słovaŭ i vyrazaŭ. Na słovijo pierakładajucca teksty, stvarajucca dvuchmoŭnyja słoŭniki.

U struktury słovijo ŭsio maksimalna sproščana: tolki ahulnyja słavianskija karani, nazoŭniki majuć adno dva skłony. Kab było praściej raspaznać, jakaja čaścina movy pierad vami, unifikavany kančatki amal usich słovaŭ. Piśmovaść słovijo dazvalaje vykarystoŭvać jak kirylicu, tak i łacinku, adnak nievialikaja pieravaha dajecca łacinicy. Reč u tym, što słavianie, jaki majuć łacinkavy ałfavit (palaki, čechi) ź vialikaj ciažkaściu ahorvajuć kiryličnyja teksty, čaho nie skažaš, daprykładu, pra ŭkraincaŭ i bałharaŭ, jakim, pad upłyvam mižnarodnych movaŭ (anhielskaj, niamieckaj i h.d.) bolš-mienš lohka dajecca łacinskija litary.

Ciapierščyna słovijo nie duža zajzdrosnaja. I choć stvaralniki śćviardžajuć, što słovijo zrazumiełaja amal «400 miljonam čałaviek, ad Prahi da Ŭładzivastoka», adnak aktyŭna hetaj movaj karystajucca ličanyja entuzijasty. Da taho ž, krytyki movy śćviardžajuć, što słovijo nie vielmi zrazumiełaja zachodnim słavianam, bo Hučko, aŭtar jašče i adnoj movy – Ruskijo (sproščanaj rasijskaj), stvaraŭ słavijo pad mocnym upłyvam mienavita ŭschodniesłavianskich movaŭ, i ŭ pryvatnaści rasijščyny.

Uvohule kažučy, u śviecie isnuje niekalki dziesiatkaŭ štučnych movaŭ. Samaja viadomaja sproba prydumać ahulnyja dla ŭsiaho čałaviectva słovy naležyć žycharu Horadni Ludvihu Zamienhafu, jaki na padmurku pieravažna jeŭrapiejskich movaŭ stvaryŭ eśpieranta.

Čytać jašče:

Malitva «Ojča naš» na movie Słovijo:

Otiec naš, ktor jes vo niebies

Śviatila buj tvoj imien,

Pridib krolenjie tvoj,

Buj voła tvoj, kak vo niebies tak na ziemła.

Chleb naš vsiedienju darij nams dnies.

I uprostij nams naš vinostis

Takak mi uprostimie naš vińnikis,

I nie viestij nams na pokusienije

No nams spasij ot zło.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?