Hałoŭny režysior Kupałaŭskaha teatra Mikałaj Pinihin admoviŭsia supracoŭničać ź Biełaruśfilmam i zdymać mastacki film pavodle ramana Ŭładzimira Karatkieviča «Kałasy pad siarpom tvaim».

«Heta niemahčyma — pakinuć teatr na paŭtara hady jaho kiraŭniku, vy ž razumiejecie. Ja dumaŭ, što niejak atrymajecca, ale heta niemahčyma: čatyry sieryi plus poŭny mietr», — patłumačyŭ svajo rašeńnie režysior i vykazaŭ vialikaje škadavańnie, što nie vypadaje mahčymaści papracavać nad takoj stužkaj.

Chto stanie režysioram «Kałasoŭ», Jeŭraradyjo pacikaviłasia ŭ pres‑sakratara kinastudyi Valanciny Bielakovaj.

Valancina Bielakova: «Mikałaj Pinihin admoviŭsia niekalki dzion tamu. A vy ž sami razumiejecie, što znajści režysiora — heta nie adnaho dnia sprava. I tamu, pakul ja vam nie mahu nazvać nivodnaha proźvišča vierahodnych kandydatur bo, što chtości z režysioraŭ u nas užo pracuje, chtości jašče ŭ pracy, zakančvaje prajekty, chtości pačaŭ novyja pracy. Tamu, ničoha nie mahu vam skazać».

U toj ža čas, jana zajaviła, što na studyi byli maralna hatovyja da taho, što Pinihin admovicca pracavać nad filmam. Kaža, usie vydatna razumieli, što ŭ jaho dastatkova pracy i ŭ Kupałaŭskim teatry, i ŭ Sankt‑Pieciarburhu. Tamu, supakoiła Bielakova,

kiraŭnictva Biełaruśfilma dosyć chutka zaryjentujecca ŭ situacyi, i bližejšym časam vyznačycca z budučym režysioram.

Adsutnaść režysiora pryviała da taho, što dahetul nie pačali vybirać akcioraŭ. Nieviadoma pakul dakładna, i kali pačnucca zdymki.

Valancina Bielakova: «Niejkija terminy, zrazumieła, jość. Ale nie treba pakul zabiahać napierad. Mahčyma, u hetym hodzie ŭžo niejkaja praca nad hetaj karcinaj pačniecca. Ja maju na ŭvazie — vytvorčaha charaktaru».

Ccenaryj taksama pakul nie hatovy. Jak paviedamlałasia raniej, jaho piša Alaksandr Kačan, viadomy pa stužkach «Akupacyja. Misteryi» i «Masakra». Scenaryst abiacaje napisać tekst svoječasova ‑‑ da siaredziny lipienia.

«Pałova scenaryja napisana. Ja, darečy, užo pakazvaŭ pieršuju sieryju — heta čatyrochsieryjny prajekt. I heta całkam adpaviadaje toj aŭtarskaj damovie, jakaja ŭ mianie zaklučanaja ź Biełaruśfilmam. Tak što, praca idzie adpaviedna hrafiku, maja praca».

Što ž tyčycca Pinihina, to, kaža Kačan, jon razumieje pryčyny jaho admovy. Na kinastudyi scenarysta zapeŭnili, što da taho času, pakul jon zakončyć svaju pracu, budzie nazvany i režysior filma.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?