Siońnia zasnavalniki troch niezarehistravanych niezaležnych ŚMI («Naš dom», «Chimik. Dva horoda», «Solihorsk plus») sustrelisia z namieśnicaj ministra infarmacyi Lilijaj Ananič. Ci nabliziŭ dyjałoh hetyja vydańni da rehistracyi?

«Ja nie dumaju, što naš siońniašni vizit budzie mieć niejkuju praktyčnuju efiektyŭnaść», — raskazaŭ padčas pres‑kanfierencyi pra vyniki pieramovaŭ namieśnik hałoŭnaha redaktara niezarehistravanaha vydańnia «Chimik. Dva horoda» Siarhiej Bałaj

«Ale važna toje, što try haziety ŭ adzin dzień razam źviarnuli ŭvahu čynoŭnikaŭ na toje, što my nie paasobku, heta sprava ahulnaja, i my chacieli b usio ž taki rabić svaju pracu. Da taho ž, hazieta — heta novyja pracoŭnyja miescy, heta zarobki, heta padatki, jakija my płacim…»

Pravaabaronca Alena Tankačova zaklikała inšyja niezarehistravanyja ŚMI ŭdzielničać u hetym pracesie i rabić jaho publičnym:

Ja ŭpeŭnienaja, što sumiesnyja skaardynavanyja publičnyja dziejańni, nakiravanyja na arhanizacyju pracesa rehistracyja srodkaŭ masavaj infarmacyi pavyšajuć šancy rehijanalnych ŚMI być zarehistravanymi. Jość iluzija — čym cišej ja zajdu ŭ kabiniet, čym bolš pryhoža ja pastaju pierad hetym čynoŭnikam, čym mienš ludziej pra heta daviedajucca, avoś praniasie — takaja taktyka nie pracuje. Pakul my kožny paasobku razmaŭlajem ź vialikaj dziaržaŭnaj mašynaj, jana nas nie čuje».

Na pryjom da namieśnicy ministra chadzili Vadzim Barščeŭski («Naš dom»), Siarhiej Bałaj («Chimik. Dva horoda»), Uładzimir Šyła («Solihorsk plus») i pravaabaronca Alena Tankačova.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?