Fota mb2010.ru

Fota mb2010.ru

9 maja ŭ Hrodnie na płoščy Lenina ŭ ramkach śviatkavańnia 65-hodździa Pieramohi adbyvalisia pakazalnyja vystupleńni ŭdzielnikaŭ hrodzienskaha aerakłuba.

Ad parašutystaŭ patrabavałasia dakładnaje pryziamleńnie na nievialikim łapiku płoščy. Ludziej sabrałasia šmat, usio išło zhodna płanu, spartoŭcy akuratna spuskalisia ŭ centr aharodžanaj placoŭki. Niečakana adnaho z parašutystaŭ paciahnuła ŭ bok, pryziamliŭsia jon užo, na žal, na hałovy ludziej.

U vyniku traŭmy atrymała maleńkaja dziaŭčynka, jaje baćka i sam spartoviec. Na ščaście, užo ŭ aŭtorak dziaŭčynka była vypisanaja z balnicy.

Zaraz pa fakcie niaščasnaha vypadku pravodzicca pravierka. Zakonam zdareńnie traktujecca jak pryčynieńnie cialesnych paškodžańniaŭ pa nieaściarožnaści. U hrodzienskim aerakłubie, jaki i arhanizoŭvaŭ pakazalnyja vystupleńni parašutystaŭ, ad kamientaroŭ admovilisia. Tam tolki adznačyli, što spartoviec, jaki ŭpaŭ na ludziej, maje vialiki vopyt — bolš za tysiaču skačkoŭ z parašutam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?