Kiraŭnik Biełarusi, Alaksandr Łukašenka, pryvioz na niefarmalny samit lideraŭ krain-udzielnic ADKB, jaki adbyŭsia 8 traŭnia ŭ Maskvie, zajavu Kurmanbieka Bakijeva, u jakim toj zaklikaje ŭvieści ŭ Kyrhyzstan vajenny kantynhient, paviedamlaje «Vriemia novostiej».
Pa dadzienych vydańnia, padčas žorstkaj dyskusii hetuju prapanovu adkinuli. Zamiest jaje była pryniataja zajava kiraŭnikoŭ dziaržaŭ-členaŭ Arhanizacyi Dahavora ab kalektyŭnaj biaśpiecy, u jakoj «padziei krasavika u Kyrhyzskaj Respublicy, što pryviali da niekanstytucyjnaj źmieny ŭłady», razhladajucca členami ADKB «ŭnutranaj spravaj» hetaj krainy.

Adznačym, što raniej Alaksandr Łukašenka nazvaŭ bieśpierśpiektyŭnaj dalejšuju dziejnaść ADKB, pakolki arhanizacyja nie reahuje na «dziaržaŭny pieravarot u adnoj z krain-členaŭ».

Kurmanbiek Bakijeŭ byŭ vymušany pakinuć pasadu kiraŭnika dziaržavy paśla masavych biesparadkaŭ, jakija pačalisia ŭ Kyrhyzstanie 6 krasavika. Padstavaj dla demanstracyj stała zatrymańnie praktyčna ŭsich lideraŭ apazicyi. Achviarami sutyknieńniaŭ 7 krasavika stali kala 80 čałaviek, bolš za tysiaču atrymali ranieńni.

20-ha krasavika Alaksandr Łukašenka paviedamiŭ, što Kurmanbiek Bakijeŭ znachodzicca ŭ Minsku. Jon taksama zajaviŭ, što nie maje namieru pieradavać časovamu ŭradu Kyrhyzstana źvierhnutaha prezidenta. 11-ha traŭnia stała viadoma, što Hienprakuratura Biełarusi atrymała zapyt ŭładaŭ Kyrhyzstana z prośbaj vydać Bakijeva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?