Pavodle źviestak analityčnaha centra realt.by, ceny na kvatery na druhasnym rynku žylla Minska z pačatku hoda źnizilisia na 1,2%, za krasavik — na 1,7%.

Za tydzień z 26 krasavika pa 3 maja siaredniaja cana prapanovy kvadratnaha mietra kvater na druhasnym rynku žylla ŭ stalicy źmienšyłasia na 0,7% i skłała 1.415 dalaraŭ. Na 3 maja liderami pa vieličyni siarednich cen u Minsku źjaŭlalisia Centralny (1.690 dalaraŭ za kvadratny mietr) i Saviecki (1.537) rajony. Samyja nizkija ceny — u Zavodskim (1.269) i Maskoŭskim (1.358) rajonach. Za tydzień siaredniaja cana na kvatery pavialičyłasia ŭ Leninskim rajonie na 0,14%. U Partyzanskim, Savieckim i Centralnym rajonach — nie źmianiłasia. U astatnich rajonach Minska ceny źmienšylisia ad 0,3 da 0,9%, bolš za ŭsio — u Kastryčnickim rajonie.

Siaredniaja cana kvater na 3 maja (i źmianieńnie za tydzień) skłała:

adnapakajovych — 1.485 dalaraŭ/kv. m (źnižeńnie na 0,9%), dvuchpakajovych — 1.410 dalaraŭ/kv. m (źnižeńnie na 0,6%), trochpakajovych — 1.368 dalaraŭ/kv. m (źnižeńnie na 0,6%), čatyrochpakajovych — 1.349 dalaraŭ/kv. m (źnižeńnie na 1,2%).

Lideram pa abjomie prapanovy paŭtornaha žylla ŭ Minsku zastajecca Frunzienski rajon — 21%. Mienš za ŭsio prapanoŭ u Partyzanskim rajonie — 5%. Adnapakajovych kvater prapanoŭvałasia 29%, dvuchpakajovych — 35%, trochpakajovych — 28%, čatyrochpakajovych — 8%.

Kvatery ŭ novabudoŭlach Minska prapanoŭvajuć pa kamiercyjnych cenach ad 700 da 3 tys. dalaraŭ za kvadratny mietr.

Siaredniaja cana prapanovy dolevaha budaŭnictva kvater i novabudoŭlaŭ u Minsku składaje 1.297 dalaraŭ/kv. m, što na 0,4% bolš, čym tydzień tamu, na 0,1% mienš, čym u pačatku krasavika, i na 4,3% bolš, čym u pačatku hoda.

Dla paraŭnańnia: pavodle źviestak ukrainskaha partała nieruchomaści realt.ua, siaredniaja cana kvater na druhasnym rynku Kijeva za tydzień pavialičyłasia na 0,8% i skłała 2.239 dalaraŭ/kv. m. Siaredniaja cana kvater na piarvičnym rynku Kijeva za hety pieryjad nie źmianiłasia, za miesiac — źmienšyłasia na 3,8%, z pačatku hoda — na 8,4% i skłała 1.694 dalara/kv. m.

Pavodle źviestak partała nieruchomaści irn.ru, siaredniaja cana kvater na druhasnym rynku Maskvy za tydzień pavialičyłasia na 0,4%, za krasavik — na 2,7%, z pačatku hoda — na 7,4% i składaje 4.394 dalara/kv. m (na 3 maja 2010 hoda).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?