Uviečary 4 maja ŭ darožna‑transpartnym zdareńni ŭ Mahiloŭskim rajonie try čałavieki zahinuli i dva byli paranieny. Pry vyjeździe na hałoŭnuju darohu mikraaŭtobus »Ford», jakim kiravaŭ 37‑hadovy mužčyna, sutyknuŭsia z «Opielem».

U vyniku DTZ zahinuli 24‑hadovy mužčyna i muž z žonkaj adpaviedna 1957 i 1961 hadoŭ naradžeńnia, jakija jechali ŭ «Opieli» . Jašče dva čałavieki, u tym liku dvuchhadovy chłopčyk, byli paranieny i źmieščany ŭ balnicu. Usie — žychary Mahilova. Na miesca zdareńnia vybyvała śledča‑apieratyŭnaja hrupa MUS.

U Mazyrskim rajonie Homielskaj vobłaści katańnie maładych ludziej na aŭtamašynie pryviało da hibieli dziaŭčyny 1992 hoda naradžeńnia, žycharki Kalinkavič.

Za rulom «Žyhuloŭ» znachodziŭsia 17‑hadovy junak, jaki nie maje pravoŭ na kiravańnie transpartnym srodkam.

Jon nie spraviŭsia z kiravańniem, u vyniku čaho aŭtamabil vyjechaŭ za miežy prajeznaj častki i ŭdaryŭsia ŭ mietaličnuju aharodžu darohi. Pasažyry, 14‑hadovy školnik i dziaŭčyna, atrymali traŭmy i byli špitalizavany.

U balnicy dziaŭčyna pamierła.

Pavodle infarmacyi ŭpraŭleńnia DAI MUS, za minułyja sutki ŭ Biełarusi adbyłosia 10 DTZ z paciarpiełymi, u jakich šeść čałaviek zahinuli i 10 atrymali ranieńni, u tym liku čaćviora dziaciej.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?