Kłasičny trochkutnik u Lubanskim rajonie Minskaj vobłaści zaviaršyŭsia zabojstvam supiernika.

«Zdavałasia b, usio było dobra ŭ siamji 53‑hadovaha bryhadzira traktarnaj bryhady ź Lubanskaha rajona, jaki ažaniŭsia sa svajoj padnačalenaj — 35‑hadovaj zapraŭščycaj traktarnaj techniki. Adnak minułym letam jon daviedaŭsia pra zdradu žonki ź jaho padnačalenym — 35‑hadovym traktarystam. Adbyvałasia usio jak u kłasičnym luboŭnym trochkutniku: svarki, sychod z domu, prośby spynić suviaź i, narešcie, pahrozy zabojstvam, jakija realizavalisia 30 krasavika.

U hety dzień kala 9‑j viečara padmanuty muž, uziaŭšy z saboj abrez palaŭničaj strelby, pryjechaŭ u viosku, dzie žyŭ supiernik, i streliŭ z abreza jamu ŭ žyvot. Paciarpieły ad atrymanych cialesnych paškodžańniaŭ pamior na miescy.

Pa dadzienym fakcie prakuratura Lubanskaha rajona zaviała kryminalnuju spravu pa č.1 art.139 Kryminalnaha kodeksa Biełarusi. Padazravany aryštavany, viadziecca śledstva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?