Kamientar Redakcyi.
Zajava Alaksandra Milinkieviča ab tym, što jon pojdzie ŭ prezidenty, dała start realnaj vybarčaj kampanii. Charakterna, što jaje pačatak prachodzić pad akampaniemient čutak ab upyrsku rasijskich hrošaj.
Jość lidery apazicyi — nie Milinkievič — jakija ci to majuć rasijskuju padtrymku, ci to chočuć jaje atrymać, ci to nie majuć jaje, ale hetkim sposabam blefujuć.
Spadziavacca na rasijskuju padtrymku — maralna hibielna, a palityčna — infantylna.
Śmiešna, kali palityki, užo łysyja, a pavodziać siabie jak dzieci, nastupajučy na tyja samyja hrabli, što ichnyja papiaredniki 9, 7 i 5 hadoŭ tamu.
Kali palityk hladzić u toj bok, heta pakazvaje: jaho pazicyi niastojkija. Heta nie lider dla apazicyi.
Handal z Rasijaj, va ŭsich sensach hetaha słova, — biez taho nie abyścisia ni apazicyi, ni lubomu budučamu kiraŭniku Biełarusi. Ale nijakija tajemnyja damovy z Maskvoj niedapuščalny, jany hibielny dla asobnych palitykaŭ, jak jany byli b hibielny dla krainy, kali b jany zaklučalisia ad imia krainy. Maskoŭskija hrošy stanuć kamieniem, jaki paciahnie hetych palitykaŭ na dno.