Śledčy adździełu daznańnia Homielskaj milicyi Alaksandar Pusieŭ nie zadavoleny vynikami ekspertyzy ŭ spravie raspaŭsiudžvańnia paklopnickich źviestak pra staršyniu homielskaha ŬKDB Ivana Karža. Jon daručyŭ kryminalistam uzłamać paroli elektronnych paštovych skryniaŭ žurnalistak Śviatłany Kalinkinaj, Maryny Koktyš, Iryny Chalip, Natalli Radzinaj i pračytać ich listavańnie.

Nahadajem: kryminalnuju spravu raspačali naprykancy hodu. U sakaviku na kvaterach žurnalistak praviali pieratrusy i zabrali ŭsie nośbity infarmacyi.

Žurnalistka sajtu charter97.org Natalla Radzina paviedamiła, što śledčy Alaksandr Pusieŭ, aznajomiŭšy jaje z vynikami ekspertyzy, pravioŭ novy dopyt. Jon pryznačyŭ dadatkovuju ekspertyzu, u jakoj pastaviŭ zadaču ekspertam vyśvietlić, ci nie adbyvałasia administravańnie charter97.org kamputarami, jakija zabrali padčas pieratrusu.

Pierad dopytam joj patelefanavaŭ učastkovy inspektar Leninskaha rajonu i paviedamiŭ, što jamu daručyli napisać na jaje charaktarystyku.

Maryna Koktyš taksama budzie čakać vynikaŭ druhoj ekspertyzy. Najbolš jaje aburyła toje, što śledčy budzie čytać jaje listavańnie:

«Vielmi niepryjemna, što eksperty dakranucca da majho asabistaha žyćcia, čytajučy, što ja pišu kamu-niebudź. Ja skazała, što suprać taho, kab systemnyja bloki, fłeška i karta ad fotaaparatu byli nakiravanyja na dadatkovuju ekspertyzu, bo liču, što taja ekspertyza, jakaja była praviedziena, adkazała na ŭsie ichnyja pytańni».

Irynie Chalip śledčy nie viarnuŭ kamputar, ale addaŭ dyski, siarod jakich byŭ dysk sa zdymkami syna.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?