Pra heta zajaviŭ siońnia Alaksandr Łukašenka, naviedvajučy ahraharadok Jaziory Čerykaŭskaha rajona Mahiloŭskaj vobłaści.
Usiaho da kanca piacihodki ŭ Biełarusi budzie naličvacca zvyš 1,5 tys. ahraharadkoŭ. U budučym buduć pryvodzicca ŭ paradak bujnyja vioski, raźmieščanyja pablizu ahraharadkoŭ.
Jak adznačyŭ prezident, u nastupnaj piacihodcy asnoŭnyja namahańni buduć skancentravany na raźvićci ŭ krainie vytvorčaj bazy.
Ahraharadok Jaziory, jaki siońnia naviedaŭ Alaksandr Łukašenka, byŭ pieršym stvoranym u krainie. Kiraŭnik dziaržavy adznačyŭ, što jamu padabajucca mienavita takija ahraharadki, dzie zachavaŭsia duch vioski. Akramia taho, tut stvorany ŭsie ŭmovy dla narmalnaha žyćcia ludziej: jość krama, dziciačy sad, škoła, kambinat bytavoha absłuhoŭvańnia nasielnictva.
Pavodle słoŭ kiraŭnika dziaržavy, u Biełarusi 30% nasielnictva pražyvaje ŭ sielskaj miascovaści, u śviecie heta kolkaść składaje 6 pracentaŭ.
«Ja chacieŭ by zachavać hetyja 30% sielskaha nasielnictva, — skazaŭ jon. — Nam treba zachavać viosku, heta naša hałoŭnaja zadača».
Razmaŭlajučy z žycharami ahraharadka, prezident vykazaŭ pierakanańnie, što nie daremna ŭ hetyja rajony ŭkładvalisia srodki, adradžalisia ziemli. Jak było dałožana kiraŭniku dziaržavy, u Čerykaŭskim rajonie zachvaralnaść dziaciej nižejšaja na 30 pracentaŭ, čym u cełym pa vobłaści, a darosłaha nasielnictva — na 20 pracentaŭ. Za apošnija 5 hadoŭ byŭ vyjaŭleny tolki adzin vypadak «brudnaha» małaka, jaki adznačaŭsia ŭ 2006 hodzie. Na paciarpiełych ad avaryi na Čarnobylskaj AES terytoryjach nazirajecca dobraja tendencyja źnižeńnia radyjeaktyŭnaha zabrudžvańnia ziamiel. U niekatorych rehijonach viadziecca rabota pa viartańniu vyviedzienych raniej ź sielhasabarotu ziamiel.
Kiraŭnik dziaržavy aznajomiŭsia z raźvićciom sacyjalnaj śfiery ŭ ahraharadku i rajonie, mierami, što prymajucca pa likvidacyi nastupstvaŭ avaryi na ČAES. Alaksandr Łukašenka pabyvaŭ u Čerykaŭskim filijale SDIUŠ alimpijskaha reziervu, dzie rychtujuć budučych bijatłanistaŭ. Vychavancy hetaj škoły štohod stanoviacca pieramožcami i pryziorami roznych abłasnych i respublikanskich spabornictvaŭ. Adnym ź ich źjaŭlajecca bronzavy pryzior pieršynstva śvietu 2009 hoda pa bijatłonu Uładzimir Čapielin. Alaksandr Łukašenka taksama naviedaŭ Jaziorski jaśli‑sad, dzie paraźmiaŭlaŭ z rabotnikami i dziećmi. Ad kiraŭnika dziaržavy filijału SDIUŠAR pieradadzieny nabory spartyŭnaha invientaru, a dziciačamu sadu — cacki.
