Karaleŭskaje viasielle ŭ Šviecyi admienienaje – žanich zdradziŭ 3

Šviedskaja karaleŭskaja siamja sprabuje zachavać tvar va ŭmovach skandałaŭ, źviazanych ź jaje čalcami apošnim časam. Dačka karala Šviecyi Karła XVI Hustava Madlen razarvała zaručyny ź Jonasam Bierhstremam. Padstavaj stała zdrada advakata. Jany sustrakalisia vosiem hadoŭ, advakat zrabiŭ prapanovu spadčyńnicy trona (treciaj pa paradku) padčas minułaha adpačynku na Kapry.

Pra zdradu napisaŭ narviežski tabłoid. Žurnalisty znajšli studentku, jakaja spała ź Jonasam padčas zimovych vakacyjaŭ. Tory Upstrem Bierh usiaho 21 hod. Sa ščyraj niepasrednaściu jana pryznałasia, što nie viedała, z kim idzie ŭ łožak. Jana paznajomiłasia ź Bierhstromam u načnym kłubie, dzie jaje žanich pryncesy baviŭ čas z kalehami.

Madlen vyrašyła adpačyć u Ńju-Jorku. Jana prylacieła ŭ ZŠA ŭžo biez zaručalnaha piarścionka na palcy. Para vyrašyła rasstacca, pryncesa vyjechała z kvatery ŭ Stakholmie. Karaleŭskaja siamja luboj canoj choča paźbiehnuć skandału i nie dać jamu dajści da srodkaŭ masavaj infarmacyi. Šviedskija haziety ŭžo doŭhi čas pišuć pra raman brata pryncesy Karła Filipa z madelkaj i šlub jaje starejšaj siastry Viktoryi z uładalnikam sportzały.

KaM; plotek.pl

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH