26 i 27 červienia ŭ Miłan źjeducca «Alfa-ramea» z usich kancoŭ Jeŭropy. Mienavita tam 24 červienia 1910 hodu naradziŭsia italjanski brend. Arhanizatary spadziajucca, što budzie bolš za 3000 aŭtamabilaŭ

Mierapryjemstva budzie pravodzicca dla ŭsich amataraŭ marki, niezaležna ad taho, źjaŭlajucca jany kalekcyjanierami, siabrami kłubaŭ abo ŭładalnikami madelaŭ. Źlot budzie prachodzić u subotu i niadzielu, 26–27 červienia, u Miłanie — horadzie, dzie 24 červienia 1910 hodu naradziŭsia brend Alfa Romeo.

Naviedvalniki źlotu (čakajecca bolš za 3 000 čałaviek) buduć udzielničać u vialikim paradzie, jaki projdzie 26 červienia ŭ centry Miłana. Za niekalki hadzin da paradu na cyrymonii buduć pradstaŭlenaja skulptura, natchnionaja znakamitaj Alfa Romeo Disco Volante 1900 hodu.

Ranicaj u niadzielu, 27 červienia, usie zarehistravanyja ŭdzielniki voźmuć udzieł u šeści, jakoje budzie źniataje ź viertalota. Kałona aŭtamabilaŭ «alfa-ramea», kožny sa ściaham-łahatypam na dachu, projdzie ŭnutranaj kalcavoj darohaj Miłanu. Akramia taho, u Areze budzie adkryty histaryčny muziej «alfa-ramea» (Museo Storico Alfa Romeo).

Uziać udzieł u hetym unikalnym mierapryjemstvie vielmi prosta: dastatkova zarehistravacca na sajcie www.alfisti.com i zapoŭnić śpiecyjalnuju formu, jakaja źmiaščajecca ŭ raździele, pryśviečanym stahodździu brendu. Usie, chto zajavić pra svoj udzieł i pryjedzie na źlot sa svaimi «alfami», atrymajuć admysłova padrychtavany dla hetaj nahody «nabor da stahodździa «alfa-ramea». Padrabiaźniejšaja infarmacyja — na sajcie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?